Urkunde Nr. 4406 aus Band VII

Seite im UB:

269

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), D 1.

Druckvorlage:

nach Original

Abdruck als:

Volltext

Sprache:

Deutsch

---

4406

Suceava 1481 April 10 Richter und Rat von Suceava ersuchen den Bistritzer Rat, der Witwe des Peterman Fleischer Recht zu schaffen.

Unseren fruentlichen grües alczeit zwvor. Ersamen weisen herren. Wir fuegen ewr weishait vnd erberkeit zw wissen vnd auch mit volkeomlich pekenne wir wie puerg ist woren der erber Peterman Fleischer, vnser mitwoner, vor Waltesar Kuersner ewrs mitwoner gegen Sahacken genant eyn wonenig. Dar awf pekenn wir wie der vorgenant Sahack dem vnseren¹⁾ sein haws vnd gueter ver poten vnd yn gewalt hat des vorgenanten Peterman Fleischers, dem yeczund got genod vnd der armen frawen gros vberlass gethon hat pis auf dy czeit alls sy genomen hat der erber Thomas Fleischer, vnd dornoch von vnserem erberen Ratt ein pekendnus pegeret yn geschrifft von der vorgenanten sach wegen alls wir ym den haben vorlihen vnd gegeben yn den gegenwuertigen puchstaben. Darauf pit wir ewer weishait dem vnseren recht helffen vnd thuen, alls wir den syn haben ewch vnd den eweren alczeit wider yn einen soelichen pegegen. Ex Soczawia 3^a feria post Iudica, anno domini M^o 481.

Richter vnd seyne gesworen auf der Tczocze.

Auf der Rückseite: Den ersamen vnd weysen heren richter vnd purgeren dem ganczen ratt zw Noesen wnseren üesimderen gueten frewnten detur praesens pagina. [S. 270]


1) Hierauf nochmals vnseren. ^{^}