Urkunde Nr. 4410 aus Band VII

Seite im UB:

271-272

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 509.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4410

Bistritz 1481 April 25 Der siebenbürgische Woiwode Stephan Báthori verleiht den Gemeinden Jaad Klein-Bistritz, Pintak Oberwallendorf und Oberneudorf das ius gladii.

Nos Stephanus de Bathor vaivoda Transsylvanus Siculorumque comes ac iudex curiae regiae ad universorum notitiam harum serie volumus pervenire memoriae commendantes, quod in personis providorum universorum incolarum ac inhabitatorum iobagionum regiae maiestatis in pertinentiis civitatis Bistriciensis commorantium in villis videlicet Iaad, Azszalu Beszterce, Pyntek, Felseö Walldorff ac Nova Villa, nobis non modica cum querela exstitit expositum, quomodo a malefactoribus furibus, praedonibus et latronibus gravissima non solum damna sed etiam molestissima incendia per crebra paterentur, supplicantes debita cum instantia ipsis de remedio efficaciter opportuno providere regia in persona dignaremur attendentes praecipue auctoritatis potestatem eisdem in hac parte per certa indulta quondam regia desuper concessa, scilicet malos male perdendi et malefactores accidendi facultatibus gladium exercendi. Nos itaque supplicationibus huiusmodi veluti iustis et rationi congruis inclinati in pacis et opulentiarum favorem, et quod nocendi malorum hominum compescatur audacia tutaque sit inter improbos innocentes de speciali regiae maiestatis gratia cuius in his gerimus personam universos et singulos tales malefactores incendiarios, fures, praedones et latrones ipsis iobagionibus praenotatis damna inferentes aut rebus et [S. 272] personis eorum nocentes et nocere machinantes, in viis, aratis publicis et silvis usque metas Moldaviensis terrae insequendi, occidendi, persequendi, interficiendi ac gladio temporali trucidandi in eosque exercendi plenam liberam et omnimodam in hac parte damus et concedimus facultatem atque malos male perdendi annuimus potestatem, ut sint volatilibus coeli esca et bestiis terrae nullo tractabili legali super his tento iudicio sed lex eorum haec sit praefixa cum ipsis iurem ut praemissum est trascientem iudicatam ut saltem sic horrore mortis terribilis malefactores revocentur a malo noscendique ipsis aufferatur facultas. Cavendum tamen ne per huiusmodi indultum nostrum aliquam praesumtienis summant occasionem occidendi innocentes et innocuos. Super quibus ipsos et animas ipsorum oneramus, haec donamus et concedimus, immo dedimus et contulimus vigore harum literarum sigillo nostro consignatarum et testimonio mediante. Datum Bistriciae vigesima quinta die mensis Aprilis, die Mercurii, indicatione quarta decima, anno domini millesimo quadringentesimo octuagesimo primo.