Urkunde Nr. 4412 aus Band VII

Seite im UB:

273

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 401.

Druckvorlage:

nach Original

Abdruck als:

Volltext

Sprache:

Latein

---

4412

Bogat am Mieresch 1481 April 30 ^a) Der siebenbürgische Woiwode Stephan Báthori fordert den Hermannstädter Bürgermeister Thomas Altemberger auf, einen Teil des sächsischen Aufgebotes gegen die Türken nach Reps abzuordnen, und den westlichen Stühlen aufzutragen, sich bereit zu halten.

Egregie amice noster sincere dilecte. Novitates illae, quas nobis pridem ex parte Hadar et Turcorum versus Orsova iter agentium scripseratis certe fuere. Quomodo autem illis et quid contigerit et quo ordine in Orsowa ipsis fortuna successerit ex literis castellanorum nostrorum castri Dewa cum praesentibus vobis transmissis dare intelligere poteritis. Nunc autem novitates huiuscemodi per Brassovienses nobis significatae sunt, quomodolicet Czypelles, vaivoda partium Transalpinarum, gentes et populos regni sui ea ratione levaverit, ut ad castrum Kyllye ad expugnandum idem castrum ire haberet. Tamen nunc idem Cypelles cum universo populo et gentibus suis sub alpibus constitueretur expextandum Turcorum adventum, quiquidem Turci postquam advenerint, statim has partes Transsilvanas subintrare intendunt, quorum conatibus auxilio dei obstare intendimus. Ideo requirimus vos praesentibus et regia in persona firmissime mandantes vobis, quatenus statim visis praesentibus et sine omni mora gentes et equites tot et tantas, quod et quantos stipendiarios vos dare et mittere oporteret de Saxonibus vestris ad nos ad Kywhalom ubi et nos hiis diebus constituemur, transmittere debeatis. Ceterisque Saxonibus vestris committatis, ut ipsi omni¹⁾ tempore se paratos teneant et se praecustodire debeant. Sedibus etiam Zerdahel, Zazsebes et ceteris versus Hathzak existentibus committatis, ut iidem parati esse debeant et si ac dum per castellanos nostros castri Dewa requisiti fuerint, mox illis in auxilium accedere valeant et debeant. Secus igitur optamus non facturi. Datum in Bogath feria secunda proxima ante festum beatorum Philippi et Iacobi apostolorum, anno et cetera LXXX primo.

Comes Stephanus de Bathor, vaivoda Transsilvanus et cetera.

Auf der Rückseite Adresse: Egregio viro Thomae Althemberger, magistro civium civitatis Cibiniensis, amico nobis sincere dilecto.


a) Ausstellungsort im UB als: Bogata de Mureş.^{^}

1) Hierauf gestrichen or. ^{^}