Urkunde Nr. 4415 aus Band VII
- Seite im UB:
- 275
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Druckvorlage:
- nach Manuskript 19. Jahrhundert
- Abdruck als:
- Volltext
- Sprache:
- Latein
4415
Tăşnad 1481 Juni 4 Bischof Ladislaus Gereb von Weissenburg ersucht alle sächsischen Dechanten und Pfarrer seiner Diözese, ihm wegen der Schwere der Zeilen weiterhin mit dem Subsidium caritativum und Geschenken zu helfen. Abschrift 19. Jh. Arh. St. Sibiu, Manuskript Zimmermann des Urkundenbuchs X, 214.
Ladislaus Gereb electus et confirmatus episcopus ecclesiae Albensis Transilvanae, In Christo nobis grate dilectis universis et singulis honorabilibus ac discretis decanis et ecclesiarum parochialium plebanis Saxonum in partibus Transilvanensibus sub nostra iurisdictione ubivis constitutis et commorantibus salutem cum dilectione. Cum nos de summa erga nos fidei vestrae puritate et prompta obedientia de quibus licet nunquam dubitaverimus tunc plenius experti fuissemus sic nostrae mentis affectu dicimur erga vos inclinati ut ad ea de cetero libenter intendamus, per quae vestri honoris et commodi perveniant incrementa. Considerantes enim expensarum nostrarum magnitudinem quas in hoc turbitudinum exercitus nostri in constaurationem et conservationem pro tuenda ecclesia et patria contra fidei hostes saevissimos Turcos per trennium iam necessario facere habuerimus damnunmque irrecuperabile personarum atque rerum, quod anno superiori in conflictu cum eisdem Turcis commisso per succubitum militum et stipendiariorum nostrorum pertulimus sponte et animi vestri proprio motu, subsidio vestro caritativo atque dono gratuito nos providere curavistis. Quo nos animo a vobis gratissimo recepto nobisque superinde gratias habentes et nostrae benevolentiae gremium vobis hilariler aperientes volumus ut in agendis vestris in quibus favorem nostrum utilem vobis esse censoritis recursum ad nos habeatis specialem. Offerimus enim nos ad omnem vobis complacentiam exhibendam, sed et in omnibus iuribus libertatibus, consuetudinibus vestris per divos sanctae Romanae ecclesiae summos pontifices concessis et a praedecessoribus nostris episcopis observatis conservando ac contra quemlibet tuendo atque defensando sermonis autem prolixitate ommissa. Honorabilis dominus Johannes de Musna canonicus ecclesiae nostrae supradictae et Maray de Seges ecclesiarum plebani nostram erga vos benevolentiam plenius declarabunt. Datum in oppido nostro Thasnad feria secunda proxima post festum ascensionis domini, anno eiusdem millesimo quadringentesimo octogesimo primo