Urkunde Nr. 4431 aus Band VII

Seite im UB:

285

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 403.

Druckvorlage:

nach Original

Abdruck als:

Volltext

Sprache:

Latein

---

4431

Ofen 1481 August 25 König Matthias weist alle Adligen und Grundbesitzer Siebenbürgens an, bei Verkauf von Liegenschaften in der Nachbarschaft des Königsbodens das Näherrecht der Sachsen der Sieben und Zwei Stühle zu berücksichtigen.

Von der Kanzlei: Commissio propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod nos ad humillimae supplicationis instantiam fidelium nostrorum universorum septem et duarum sedium Saxonicalium Saxonum nostrorum annuimus eisdem et concessimus prout et de lege communi et consuetudine regni nostri id legitime possunt, ut ipsi possessiones, praedia et terras quascumque, quas scilicet nobiles et ceteri possessionati homines illarum partium regni nostrs Transsilvanarum in vicinitate possessionum nostrarum Saxonicalium habitas perpetuo vel pro pignore vendere, ascribere et ad se alienare voluerint, ipsi Saxones vicini et non alii easdem possessiones, praedia et terras emere et ad se recipere possint, immo annuimus et concedimus praesentium per vigorem. Quocirca vobis fidelibus nostris universis et singulis nobilibus et alterius cuiusvis status possessionatis hominibus partium regni nostri Transsilvanarum harum serie firmissime committimus et mandamus, quatenus agnitis praesentibus possessiones illas vestras ac praedia et terras in vicinitate dictorum Saxonum nostrorum habitas, quas a modo imposterum vel perpetuo vel pro pignore vendere et ascribere ac a vobis alienare volueritis, nemini alteri nisi ipsis Saxonibus nostris, prout praemissum est, et de lege communi et consuetudine regni nostri debetis vendere vel aliter inscribere debeatis et teneamini. Secus non facturi. Praesentibus perlectis exhibenti restitutis. Datum Budae sabbato proximo post festum Bartholomaei apostoli, anno domini millesimo quadringentesimo octuagesimo primo, regnorum nostrorum anno Hungariae et cetera vigesimo quarto, Bohemiae vero tredecimo.

Auf der Rückseite gleichzeitig: Literae super possessionibus venalibus.