Urkunde Nr. 4432 aus Band VII

Seite im UB:

285-286 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. IV (Inventar 25), Nr. 513.

Druckvorlage:

nach Original

Abdruck als:

Volltext

Sprache:

Latein

---

4432

Ofen 1481 August 25 König Matthias benachrichtigt alle Besitzinhaber Siebenbürgens, dass er die Grenzen der Sieben und Zwei Stühle neu begehen lassen wird, um Haltertstreitigkeiten aus der Welt zu schaffen. [S. 286]

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fidelibus nostris universis et singulis nobilibus et alterius cuiusvis status possesionatis hominibus partium Transsilvanarum regni nostri praesentes visuris salutem et gratiam. Ex significatione fidelium nostrorum universorum septem et duarum sedium Saxonalium, Saxonum¹⁾ accepimus, quomodo nonuli forent ex vobis in vicinitate eorundem Saxonum nostrorum qui metas suas transcendendo, terras possesionum nostrarum Saxonicalium indies occuparent et ab usu eorundem ipsos Saxones nostros prohiberent terrasque ipsos possessioni suae annectere praetendent in nostrum praeiudicium et dampnum ipsorum Saxonum nostrorum manifestum. Cum autem unumquemque, quod suum est iure mediante requirere liceat fidelitati igitur vestrae et vestrum cuiuslibet harum serie firmiter praecipientes mandamus, quatenus receptis praesentibus ac dum et quando per literas reambulatorias fidelis nostri magnifici comitis Stephani de Bathoriudicis curiae nostrae et vaivodae Transsilvanensis ac Siculorum comitis moniti et requisiti fueritis aut vestrum alter requisitus fuerit ad facies terrarum ipsorum occupatarum accedere easque praesente venerabili Georgio praeposito Waradiensi in medium eorundem Saxonum nostrorum in nostram specialem factorem deputato per veras et antiquas metas iuxta regni nostri consuetudinem reambulare et a vestris possesionibus iuxta iura et probalitia partium documenta distinguere ac rectificare et alias iusto omni, quod in reambulatione et rectificatione earundem terrarum necessarium fuerit et opportunum stare parereque et obedire debeatis. Aliud non facturi hoc aulem volumus per fora et alia loca publica ubique palam facere proclamari. Datum Budae sabbato proximo post festum beati Bartholomei apostoli, anno domini millesimo quadringentesimo octuagesimo primo, regnorum nostrorum anno Hungariae et cetera XXIIII, Bohemiae vero tredecimo.


a) Seitenumbruch nach Kopfregest.^{^}

1) Auf Rasur, darunter -calium. ^{^}