Urkunde Nr. 4433 aus Band VII

Seite im UB:

286-287

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Bischofsurkunden [Colecţia de documente episcopale] (Inventar 1), B. U. Nr. 31.

Druckvorlage:

nach Original

Abdruck als:

Volltext

Sprache:

Latein

---

4433

Ofen 1481 August 25 König Matthias befiehlt allen Maut- und Zolleinnehmern, die Sachsen von Hermannstadt und den Sieben Stühlen nicht mit Zöllen, anderen Abgaben oder Geschenkforderungen zu belasten.

Von der Kanzlei: Comimssio propria domini regis.

Mathias dei gratia rex Hungariae, Bohemiae et cetera fidelibus nostris universis et singulis tributariis et theloniorum exactoribus tam nostris regalibus et reginalibus quam alioram quorumcumque in praetacto regno nostro Hungariae et partibus Transsilvanis ubilibet constitutis et existentibus praesentium notitiam habituris salulem et gratiam. Gravem querelam pro parte fidelium nostrorum universorum et singulorum Saxonum civium mercatorum et incolarum tam Cibiniensium quam aliarum civitatum, oppi- [S. 287] dorum et villarum septem sedium Saxonicalium praetactarum partium nostrarum Transsilvanarum maiestati nostrae oblatam accepimus continientem, quod licet ipsi per divos reges Hungariae et praesertim Geysam, Andream, Karolum, Lodovicum, Sigismundum et Albertum felicium recordationum praedecessores nostros ab omni solutione tributorum et theloniorum in perpetuum exempti sint et libertati. Tamen forent nonnulli ex vobis, quae dum iidem pro victuum suorum necessario questu diversa regni nostri climata prolustrantes cum ipsorum rebus mercimonialibus ad loca huiusmodi tributorum perveniunt ac eis alibi tributum aliculi vero munere equivalentia et interdum maiora tributo vi extorquerent, impositis eis diversis calumniis graviter eos turbarent atque damnificarent, in derogamen et oppressionem praetactae antiquae libertatis et iurium ipsorum valde magnam. Supplicatum itaque extitit maiestate nostrae nominibus et in personis quorum supra, ut ipsis superinde de remedio providere dignaremur. Cum autem nos praedictos Saxones nostros in antiquis ipsorum libertatibus et iuribus per dictos reges Hungariae eis concessis et per nos roboratis undique inviolabiliter manuteneri volumus, fidelitati vestrae universitatis et cuilibet vestrum stricte praecipimus et mandamus, quatenus a modo imposterum dum et quando ac quotienscumque praefati mercatores cives et inhabitatores dictae civitatis Cibiniensis ac aliarum civitatum, oppidorum et villarum septem sedium Saxonicalium aut aliqui eorum ad vos seu loca tributorum huiusmodi pervenerint, ab eis aut ipsorum quopiam rebusque mercimonialibus vel aliis bonis eorundem nullum tributum aut munere nullamque tributariam seu aliam solutionem petere et exigere, utque eos propterea quoquomodo turbare et dampnificare aut calumniare praesumatis, sed ubique libere transire permittatis. Quoniam alioquin commisimus et serie praesentium strictius committimus comitibus vel vicecomitibus et iudicialium comitatuum illorum ubi scilicet talismodi tributi exactio committeretur, ut ipsi postquam tum praesentibus literis nostris pro parte eorundem Saxonum vel alterius eorum requisiti fuerunt, scita prius rei veritate, tributa talia et loci tributorum ipsorum pro nostra maiestate occupare debeant et teneantur. Casu vero, quo et ipsi comites vel vicecomites et iudicialium per Saxones ipsos cum praesentibus requisiti in occupatione talium tributorum tepidi fuerint et negligentes nosque superinde avizati fuerimus, certificamus eos ex nunc, quod officia illorum et honorem comitatus aufferemus ab eisdem eo facto et talibus fidelibus nostris aufferemus, qui mandata nostra per omnia observare curabunt. Secus igitur facere nullomodo praesumatis. Praesentibus perlectis exhibenti restitutis. Datum Budae sabbato proxima¹⁾ post festum beati Bartholomaei apostoli, anno domini millesimo quadringentesimo octogesimo primo, regnorum nostrorum Hungariae et cetera anno vigesimo quarto, Bohemiae vero tredecimo.

Auf der Rückseite gleichzeitig, unten rechts: duae sedes.


1) Über der Zeile. ^{^}