Urkunde Nr. 231 aus Band I

Seite im UB:

164-165

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 29 098.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

231

1289 Oktober 19 König Ladislaus IV. bestätigt den Söhnen Andreas de Gyog den ihnen erbrechtlich gehorigen Besitz der terra Gomord, welche von König Stephan den Deutschen von Karako verliehen worden war.

Ladizlaus dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex omnibus Christi fidelibus praesens scriptum inspecturis salutem in salutis largitore. Regali dignum est et expediens eos qui in servitiis dominicis se exercent munificentia gratulari, ut ceteri amplius ipsorum exemplo invitati ad maiora fidelitatis opera exercenda producantur discantque suo naturali domino efficacius adhaerere. Proinde ad universorum tam praesentium quam futurorum notitiam harum serie volumus pervenire, quod Nicolaus et Andreas comites filii Andreae de Gyog ad nostram accedentes praesentiam quandam terram Gomord vocatam iuxta fluvium Morus existentem, hospitibus de Korokou per dominum regem Stephanum carissmum patrem nostrum collatam, quam quidem progenitorum suorum hereditariam esse et fuisse asserunt, et olim ab eisdem alienatam a nobis humiliter supplicando sibi reddi et restitui postularunt. Verum quia nos ipsam terram ex veridica relatione quorum comperimus progenitorum eorundem Nicolai et Andreae comitum esse et fuisse hereditariam ab antiquo et ah eisdem esse alienatam et quia ius requirit, aequitas suadet et calculus deposcit rationis, ut quispiam suo iure potiatur, et nos unumquemque iuxta officium nostri regiminis in suis iuribus conservare volumus et intendimus, praedictam terram Gomord vocatam eisdem Nicolao et Andreae comitibus et suis heredibus heredumque suorum successoribus cum omnibus utilitatibus suis et pertinentiis sub antiquis metis et terminis, tamquam ius ipsorum hereditarium, non obstantibus literis seu privilegiis ipsius domini regis Stephani aut domini regis Belae avi nostri carissimi per praedictos hospites habitis et obtentis, reddimus et restituimus perpetuo possidendam et habendam, ita ut eaedem literae seu privilegia, si per dictos hospites in lucem deducta [S. 165] fuerint, iuribus careant et vigore ac nullius sint penitus firmitatis. Ut igitur haec praesens restitutio super praedicta terra per nos eisdem Nicolao et Andreae ae suis heredibus concessa robur obtineat perpetuae firmitatis, praesentes concessimus literas duplicis sigilli nostri munimine roboratas. Datum per manus venerabilis patris Gregorii dei gratia episcopi Chanadiensis, aulae nostrae vicecancellarii dilecti et fidelis nostri, anno domini M^o. C^o C^o. octuagesimo nono, quarto decimo Kalendas Nouembris, regni autem nostri anno decimo octavo.