Urkunde Nr. 4439 aus Band VII

Seite im UB:

290-291

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. IV (Inventar 25), Nr. 1488.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4439

Wissegrad 1481 September 2 ^a) König Matthias bestätigt die Wahl des Michael Morgondai zum Königrichter des Schenker Stuhls.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod nos tum ad humillimae supplicationis instantiam fidelium nostrorum prudentum et circumspectorum universorum Saxonum septem sedium nostrarum Saxonicalium nobis pro parte fidelis nostri nobilis Michaelis Morgondali propter ea porrectam tam pro consideratis servitiis eiusdem Michaelis, quae ipse his temporibus superioribus maiestati nostrae iuxta suae possibilitatis exigentiam impendisse perhibetur illam electionem, quam fideles nostri universi Saxones sedis Schenck de honore iudicatus ipsorum in personam eiusdem Michaelis Morgandali ex nostra gratiosa annuentia fecisse dicuntur ratam, gratam et acceptam habentes eandemque gratiose admitentes eidem electioni nostrum regium consensum praebuimus immo prae- [S. 291] bemus benevolum partier et adsensum annuentes nihilominus eidem Michaeli suisque heredibus et posteritatibus universis, ut ipse honorem huiusmodi iudicatus non obstante illa infidelitatis nota, quam alter Johannes similiter Morgondali pater eiusdem superioribus annis incurrerat ac etiam literis nostris ratione huiusmodi notae infidelitatis contra eundem Johannem Morgondali et per consequens ipsum Michaelem eorundemque heredes qualitercumque datis. Item Michael suique heredes dummodo ad id per nos aut eiusdem Saxones nostros dictae sedis legitime et pari voluntate eligantur pariter cum cunctis suis iuribus et iurisdictionibus libere tenere et possidere possint et valeant. Ita tamen, quod iidem Saxones nostri dictae sedis tam pro ipso Michaele quam etiam heredibus suis honorem scilicet illius iudicatus pro tempore tenentibus de observanda sincera fide et debita fidelitate maiestati nostrae successoribusque nostris regibus Hungariae tempore scilicet electionis eorundem ad ipsum iudicatum respondere et fideiussoriam cautionem praestare semper debeant et teneantur. Harum nostrarum secreti sigilli nostri appensione communitamm vigore et testimonio literarum mediante. Datum in Vyssegrad die dominico proximo post festum beati Aegidii abbatis, anno domini millesimo quadringentesimo octuagesimo primo, regnorum nostrorum anno Hungariae et cetera vigesimo quarto, Bohemiae vero tredecimo.


a) Ausstellungsort im UB als: Plintenburg/Visegrád.^{^}