Urkunde Nr. 4450 aus Band VII

Seite im UB:

299-300

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 195.

Druckvorlage:

nach Original

Abdruck als:

Volltext

Sprache:

Latein

---

4450

Reps 1481 November 23 Der Repser Stuhl leitet die Streitsache zwischen Nikolaus Conczelsz und Lorenz Sigmundsz auf der einen und dem Jakob Lodwisch auf der anderen Seite an die Sieben Stühle weiter.

Prudentes et circumspecti domini amici et fautores honoribus cunctis prosequendi. Noverint dominationes vestrae, quomodo quadam die iudiciaria nobis pro tribunali more solito sedentibus venerunt nostram in praesentiam providi viri Conczelsz Closch et Sigmundsz Lorencz tanquam causae actores conquerentes super quodam discreto viro Lodwischsz Iacob de quodam homicidio. Et licet praedicti duo praesentibus et amicis occisi satisfecerant, attamen praenominatum Lodwisch Iacob eis tanquam in huismodi nephandi operis socium attrahere volunt, ita ut tertialitatem pecuniarum reconciliationis praenominatis duobos videlicet Conczelsz Closch et Sigmundsz Lorencz restituere deberet. Ipse autem Lodwisch Iacob tanquam huius criminis insons supplicans nobis mera pro iustitia et apportans plurimos discretos et fidedignos viros, qui propriis sub conscientiis et animabus deo debitis una secum recognoscere volunt, quod occisus ille dum lectum aegritudinis occupabat indefesse et instanter supplicans et petens amicos et praesentes eius, ne aliquem maculam praedicti criminis huic Lodwisch Jacob impenderent quia inscius sanguinis eius et suorum vulnerum [ ]¹⁾. Nos autem praenominati seniores iurati sedis et oppidi Ruppensis inclinati suis iustis petitionibus refecimus saepedictum Lodwisch Iacob more patriae se met septem iuramentis mediantibus a praedicto crimine expurgare. Tandem venerant nostrum in conspectum honesti et fidedigni viri Iacob Dopner, Pawelsz Michel pariter cum suo filio videlicet Steffano, Heymischen Steffen, Dyac Miclosz, Dopnersz Hannysz qui omnes una cum Lodwisch Iacob sub propriis conscientiis et animabus deo debitis publice recognoverunt, quomodo, praedictus defunctus vel occisus videlicet Iacobus filius Wapplersz in lecto aegritudinis fassus fuit sic quod Lodwisch Iacob in plagis suis et in motte eius nullam penitus culpam haberet, sed potius si cum eo fuisset. ipsum defendisset. Isti autem duo videlicet Conczelnsz Closch et Sigmundsz Lorencz sententia nostra iudiciaria minime contenti causam suam ad sessionem dominorum septem sedium provocarunt. Quare nos praenominati [S. 300] iurati seniores petimus intanter causa iustitiae, quatenus si fieri potest praedictum Iacobum Lodwich in mera iustitia retinere velitis, quoniam nos et ipse a vestris dominationibus semper sumus expecturi. Datum ex Ruppas in die sancti Clementis, anno domini millesimo quadringentesimo octuagesimo primo.

Iurati seniores sedis et oppidi Ruppas ad quaevis mandata proni.

Auf der Rückseite Adresse: Universisque famositatis et mirae prudentiae viris magistro civium Cibiniensi ceterisque iuratis consulibus ac universitati septem sedium dominis et amicis sincere honorandis.


1) Hierauf 10 mm durch Wasserschaden unleserlich. ^{^}