Urkunde Nr. 4454 aus Band VII

Seite im UB:

302-303

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.)

Druckvorlage:

nach Original

Abdruck als:

Volltext

Sprache:

Latein

---

4454

Weissenburg 1481 Dezember 21 ^a) Der siebenbürgische Bischof Ladislaus Gereb investiert Jakob, den Sohn des vestorbenen Stadtnotars Peter, als Stadtpfarrer von Klausenburg.

Nos Ladislaus Gereb electus et confirmatus ecclesiae Albensis Transsilvanae memoriae commendamus¹⁾ universis quibus expedit significantes per praesentes, quod nos ad litteratorium mandatum serenissimi principis domini Mathiae dei gratia regis Hungariae, Bohemiae et cetera, domini nostri naturalis gratiosissimi per suam serenitatem ad nos propterea specialiter et artius datum illa resignatione quam honorabilis dominus Gregorius Slewnig plebanus ecclesiae parochialis civitatis Koloswariensis de eadem sua plebania vigore quarundam literarum cirographo et sigillo suis propriis consignatarum et item euiusdam instrumenti publici manu circumspecti Johannis quondam Blasii Dobo de dicta Coloswar praefatae Albensis diocesis sacris apostolico et imperiali auctoritatibus notarii publici superinde confecti per honorabilem dominum Jacobum quondam Petri notarii civitatis praefatae artium et decretorum doctorem nobis in specie exhibitarum ex rationibus in eisdem literis et instrumento publico denotatis eidem Jacobo doctore pure et simpliciter fecisse dinoscebatur admissa nostrumque eidem consensum [S. 303] benivolenter praebendum pariter et assensum. Auctoritate nostra ordinaria eundem Jacobum doctorem in et ad praefatam ecclesiam parochialem dictae civitatis Colwswariensis sub nomine et vocabulo sancti Michaelis arhangheli constructam illiusque plebaniam canonice instituimus et in dei nomine confirmamus per praesentes. Curam animarum regimen et omnimodam administrationem, tam spiritualium quam temporalium iurium dictae ecclesiae sibi plenarie committentes ipsumque per bireti nostri capiti suo impositionem personaliter investientes de eadem, recepto primum ab eodem ad sacra dei evanghelia per eum manibus tacta corporali ac solito iuramento, quod nobis et nostris successoribus canonice intrantibus nostrisque et illorum vicariis pro tempore constitutis obediens erit et fidelis. Et quod bona, iura et res dictae ecclesiae non alienabit, non dissipavit necque distrahet, sed si quae alienata forent et distracta, illa ad ius et proprietatem eiusdem ecclesiae recuperabit et restituet suo toto posse praedicta nostra ordinaria auctoritate universis et singulis praefatae ecclesiae parochianis et aliis quorum interest vel quomodolibet interesse poterit tenore praesentium committentes, quatenus praefatum dominum Jacobum doctorem tamquam verum et legitimum plebanum ipsorum in realem et et²⁾ corporalem possessionem dictae plebaniae recipiant et admittant sibique aut suo legitimo procuratori suo nomine et nemini alteri de fructibus, redditibus, proventibus, iuribus et obventionibus eiusdem universis integre respondeant ac per hos, quorum interest aut intererit, faciant responderi. In quorum omnium et singulorum fidem et testimonium praemissorum praesentes literas fieri sigillique nostri maioris appressione iussimus communiri. Datum Albae die Veneris vigesima prima decembris, anno domini millesimo quadringentesimo octogesimo primo.


a) Ausstellungsort im UB als: Weißenburg.^{^}

1) Bis hierher in verlängerter Schrift.^{^}
2) So Vorlage.^{^}