Urkunde Nr. 4499 aus Band VII

Seite im UB:

322-323

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 406.

Druckvorlage:

nach Original

Abdruck als:

Volltext

Sprache:

Latein

---

4499

Pressburg 1482 August 19 König Matthias befiehlt über Ersuchen der Sieben und Zwei Stühle den Kastellanen, Vizekastellanen und sonstigen Amtsträgern in Siebenbürgen fremden Kaufleuten zu verbieten, Waren mit der Elle oder im Kleingewicht zu verkaufen bzw. hier Decken und Felle aufzukaufen.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fidelibus nostris universis et singulis castellanis, vicecastellanis nec non officialibus tam nostris quam aliorum quorumcumque ubivis in partibus regni nostri Transsilvanis constitutis et existentibus salutem et gratiam. Exponitur maiestati nostrae in personis fidelium nostrorum circumspectorum civium et incolarum civi- [S. 323] tatum nostrarum septem et duarum sedium Saxonicalium ad modum gravis querelae, quod licet ipsi antiqua eorum praerogativa eis a dudum concessa requirente, tali semper hucusque usi sint libertate utique deberent et gaudere, ut nemo mercatorum extraneorum et forensium hominum, quam ipsi duxtaxat in illis partibus regni nostri res suas mercimoniales et venales ac pannos cum ulmis et ponderibus divisim seu particulariter sed integro stamine ac petia et pondere, prout moris et tales merces colligatas hincinde ferre, venditioni tradere et ex excindere ausus fuerit seu praesumpterit. Modo tamen forent plerique mercatores et forenses homines, qui non curantes infringere antiqua iura ipsorum et consuetudinem huiusmodi merces suas et pannos cum ulna et pondere partialiter in officiolatibus vestris vendere et excindere atque lodices et pelles tam laboratas quam non laboratas per loca colligere et emere ausu temerario non formidarent in praeiudicium libertatis ipsorum exponentium ac dampnum, iniuriamque et gravamen valde magnum. Quare supplicatum extitit per maiestatem nostram ipsis superinde de remedio opportuno provideri. Cum autem nos sicuti ceteros subditos nostros, sic rationibus praescriptis exponentes in eorum antiquis iustis libertatibus et consuetudinibus illibate conservare et ab omnibus conservari facere volumus, ideo fidelitati vestrae harum serie firmissime praecipimus et mandamus, quatenus si sic est ut nobis dicitur inhibeatis et quilibet vestrum palam inhibeat et faciat publice inhiberi, quibus et nos per praesentes sic inhibemus, ne quispiam mercatorum et forensium hominum praescripta vendiciones et excisiones pannorum seu aliarum mercium in officiolatibus vestris facere et exercere aut aliquas lodices et pelles emere et colligere contra praescripta iura ipsorum et consuetudines quovismodo praesumant. Ubi vero quipiam huiusmodi inhibitionem vestram temerarent, omnes tales et singulos per opportuna remedia ad id conservandum compellere et astringere debeatis auctoritate nostra praesentibus vobis in hac parte concessa et iustitia mediante. Aliud non facturi praesentibus perlectis exhibenti restitutis. Datum Posonii in profesto beati Stephani regis, anno domini millesimo quadringentisemo octogesimo secundo, regnorum nostrorum Hungariae et cetera anno vigesimo quinto, Bohemiae vero quarto decimo.