Urkunde Nr. 4528 aus Band VII

Seite im UB:

339

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 181.

Druckvorlage:

nach Original

Abdruck als:

Volltext

Sprache:

Latein

---

4528

Hermannstadt 1483 Juni 8 Der siebenbürgische Woiwode Stephan Báthori ersucht den Kronstädter Rat, die vom Richter Petrus Werek dem Johannes Hwzar und dessen Diener weggenommenen Sachen und Geld in Gegenwart des Törzburger Kastellans zurückzustellen.

Prudentes et circumspecti viri, amici nostri dilecti. Exponitur nobis in persona providi Johannis Hwzar familiaris nostri gravi cum querela, quod cum ipse hiis diebus de partibus Transalpinis ad nos exire et venire habuisset, et cum ad ipsam civitatem Brassouiensem pervenisset, misso quodam famulo suo cum certis suis rebus versus villam Hethfalw vocatam, et cum de ipsa civitate idem famulus suus exivisset, tunc Petrus Werek iudex vester ipsum famulum praefati exponentis simulcum ipsis suis rebus, puta peccario uno valente florenos tres, cochiariis duobus valentibus florenos duos, quadraginta florenis¹⁾, duobus manutergiis parvis alias salynka dictis valentibus florenum unum necnon uno kewpenyek et quodam equo sellato captivasset, captumque per certos dies tenuisset et supremum sex florenos auri extorsisset, in praeiudicium ipsius exponentis et dampnum valde magnum. Et quia nos ipsum exponentem sic indebite dampnificari non volumus, pro eo requirimus vestras dilectiones et nihilominus in persona regia eisdem firmiter mandamus, quatenus agnitis praesentibus vos unacum egregio Blasio de Fyged castellano nostro castri Therch quem ad id accedere iussimus facto in praemisso debitam revisionem facere et tandem si iuri consonum fuerit dictas res praefati exponentis per praefatum Petrum iudicem vestrum modo praetacto ablatas scilicet dictos sex florenos per ipsum famulum dicti exponentis extorsos, eidem exponenti ex integro reddi et restitui facere debeatis et teneamini, ne peramplius ad nos superinde querimonia causa venire cogatur. Secus optamus non facturi. Datum Cibinii die dominico proximo ante festum beati Barnabae apostoli, anno et cetera 1xxx-mo tertio.

Comes Stephanus de Bathor iudex curiae regiae vaivodaque Transsiluanus et cetera.

Auf der Rückseite Adresse: Prudentibus et circumspectis viris iuratis civibus civitatis Brassouiensis, amicis nostris dilectis. [S. 340]


1) So Vorlage.^{^}