Urkunde Nr. 4538 aus Band VII

Seite im UB:

343-344

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 424.

Druckvorlage:

nach Original

Abdruck als:

Volltext

Sprache:

Latein

---

4538

Ofen 1483 Oktober 28 König Matthias fordert die Sachsen der Sieben und Zwei Stühle und des Burzenlandes auf, den nächstfälligen Martinszins bald abzuliefern.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera, fidelibus nostris universis et singulis septem et duarum sedium Saxonicalium Saxonibus et terrae [S. 344] nostrae Barcza salutem et gratiam. Notum est vobis, qualiter festum sancti Martini episcopi et confessoris¹⁾ instat, ad quod maiestati nostrae universaliter proventus nostros de medio vestri dare et solvere tenemini. Quia vero diebus non longe elapsis maiestati nostrae subsidium praebuistis, optime recolimus, considerare quidem poteritis, aemulus huius regni nostri videlicet imperatorem Romanorum et maxime Turcorum, qui continue regnum nostrum invadere et devastare molinetur, quibus resistentibus hoc tempore copiosas gentesque alias servare cogimur. Pro eo ne vobis homines nostri in dicandis et exegendis dictis proventibus nostris molesti sunt confisi de fidelitate vestra annuimus vobis, ut proventus nostros pro dictos vos ipsi de medio vestri maiestati nostrae exigere et exigi facere possitis et valeatis. Deputavimus igitur ad vos hunc fidelem nostrum nobilem Iohannem Pachochy hominem nostrum praesentium ostensorem, mandamus nihilominus fidelitati vestrae harum serie firmissime, quatenus statim post festum praedictum sancti Martini huiusmodi proventus nostros de medio vestri vos ipsi exigere et exigi facere exactamque tandem manibus praefati hominis nostri dare et assignare debeatis et in his rebus prorogationem facere ulteriorem vel homines vestros ad nos mittere non deliberetis.
Quoniam certi sitis, ut vacui redibunt eo quod exactio ipsa moram aliquam hacinde non patitur. Aliud igitur nullomodo facturi. Datum Budae in festo beatorum Simonis et Iudae apostolorum, anno domini millesimo quadringentesimo octuagesimo tertio, regnorum nostrorum anno Hungariae et cetera vigesimo sexto, Bohemiae vero quinto decimo.


1) November 11.^{^}