Urkunde Nr. 4546 aus Band VII

Seite im UB:

348-349

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell II, Nr. 23.

Druckvorlage:

nach Original

Abdruck als:

Volltext

Sprache:

Latein

---

4546

1483 Dezember 1 Der Hermannstädter Bürgermeister Thomas Altemberger schreibt an Richter und Rat von Kronstadt hinsichtlich Pachtung des Zwanzigsten und wegen dem Dreissigsten.

Salutationem cum honore exhibitionem praemissam. Prudentes ac circumspecti viri domini et amici honorandi. Nolo vestras dominationes latere me bina vice accepisse intimata magnifici ac reverendi domini Urbani et cetera thesaurarii maiestatis regiae medio Johannis Pathoczy et domum proprii familiaris mei michi relata ex parte vigesimae, an pro anno futuro huiusmodi vigesima arrendare vellemus vel non. Nunc iterum propria manu sua scripsit in haec verba. Quid autem in facto tricesimae sive vectigalis in Transsiluania conclusistis, prout per Jankonem vobis intimavimus nobis significare debeatis. Videtur enim michi et aliis quod haec surda aure ac sine responsione fienda pertransire non sit cautum et cetera. Quare vestras dominationes et amicitias sub sincera fiducia hortor¹⁾, ut considerationes vestras in hoc facto ac voluntatem per nuntios²⁾ vestros huc mittendos in censu bene informatos michi [S. 349] et aliis civibus significare velitis. Intimavit etiam praedictus dominus thesaurarius, quod dominus noster vaivoda valde instaret apud maiestatem regiam pro dicta tricesima pro se habenda sed ipse apud maiestatem regiam secrete declarasset, quod vestris amicitiis et nobis magnum gravamen inde evenire posset. Ex alia vero nos timemus, ut ipsi nunc dispendebimus³⁾ praedictam exactionem velle habere, quod statim ituro petet pecunias. Quo modo ergo haec dirigi debent, optamus ut vota vestra¹⁾ nobis similiter secrete referebatis²⁾ una cum informatione nuntiorum⁴⁾ vestrorum huc mittendorum. Haec propria manu scripsi raptim, ut facta praedicta permaneant secretiora. Datis feria secunda post festum beati Andreae apostoli 1483.

M. Thomas Altemberger magister civium Cibiniensis vester ad vota.

Auf der Rückseite Adresse: Prudentibus et circumspectis viris iudici et iuratis civibus civitatis Braschouiensis, dominis et amicis honorandis.


1) Über der Zeile. [2x]^{^}
2) Vorlage nunccios. [2x]^{^}
3) So Vorlage.^{^}
4) Vorlage nuncciorum. ^{^}