Urkunde Nr. 4556 aus Band VII

Seite im UB:

354-355

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 146.

Druckvorlage:

nach Original

Abdruck als:

Volltext

Sprache:

Latein

---

4556

Ofen 1484 März 21 König Matthias trägt den Orten Bonţida, Buza, Sächsisch-Regen und Neumarkt auf, an ihren Wochen-und Jahrmärkten die Bistritzer Kaufleute nicht mit Zoll und Abgaben zu belasten.

[S. 355] Matthias dei gratia rex Hungariae, Bohemiae et cetera fidelibus nostris universis et singulis praelatis, baronibus comitibus, nobilibus, castellanis ipsorumque officialibus item civitatibus oppidis et villis et signanter Bonczhyda, Baza, Regen et Wasarhel, eorundemque rectoribus, iudicibus et villicis nec non alterius cuiusvis status et conditionis possessionatis hominibus tam scilicet huius regni nostrae Hungariaeque etiam sitam partium regni nostri Transilvanarum praesentes visuris salutem et gratiam. Pro parte et in personis fidelium nostrorum prudentum et circumspectorum iudicis et iuratorum ceterorumque civium civitatis nostrae Bistriciensis maiestati nostrae expositum exstitit gravi querela, qualiter nonnulli forent ex vobis qui ipsos cives nostros signanter mercatores institores et alios homines qui scilicet mercantiis et mechanicis artibus victum queritare soliti sunt, dum cum huiusmodi rebus et mercantiis ipsorum ad nundinas liberas seu fora annualia civitatum vestrarum seu vestri in medium questus gratia applicarent, ad quandam abusivam et insolitam solutionem ratione rerum et bonorum suorum fiendam per officiales et factores ipsorum contra antiquam consuetudinem et libertatem dictae civitatis nostrae Bistriciensis cogerent eosque propterea in personis rebusque et bonis ipsorum multipliciter turbarent et impedirent in praeiudicium libertatis eorundem exponentium et dampnum non modicum. Unde supplicatum extitit maiestati nostrae pro parte eorundem exponentium, ut ipsos ab huiusmodi abusiva et inconsueta solutione eripere dignaremur, quia vero nos dictam civitatem nostram Bistriciensem quae et alioquin peculiaris civitas nostra et haereditaria existit, consequenterque cives et incolas eiusdem in omnibus, ipsorum antiquis libertatibus et consuetudinibus conservare pacifice volumus. Idcirco mandamus fidelitati universitatis vestrae et cuiuslibet vestrum harum serie firmissime, quatenus a modo nullus omnino vesrum praefatos cives et inhabitatores dictae civitatis nostrae Bistriciensis vel eorum alterum ac aliquam inconsuetam et insolitam solutionem in nundinis seu foris vestris contra antiquam eorundem consuetudinem artare et compellere aut eos propterea in personis rebusque et bonis ipsorum quibusvis impedire turbare impedirique seu turbari facere praesumatis neque sit ausus quoquomodo. Quoniam alioquin commisimus et praesentibus facultatem damus fidelibus nostris vaivodis vel vicevaivodis partium regni nostri Transsilvanarum et item comitibus vel vicecomitibus et iudicibus nobilium illorum comitatuum in quibus forsitan huiusmodi mandata nostra non observarentur, praesentibus et futuris ut ipsi omnes tales qui forsitan huiusmodi mandatis nostris contiavenerint ad observalionem mandatorum nostrorum per omnia onera et gravamina in talibus fieri solita urgent et compellant eadem auctoritate nostra praesentibus ipsis in hac parte attributa et iustitia mediante. Secus igitur non facturi. Praesentibus perlectis exhibenti restitutis. Datum Budae in festo beati Benedicti abbatis, anno domini millesimo quadringentesimo octogesimo quarto, regnorum nostrorum Hungariae et cetera anno vigesimo septimo, Bohemiae vero quinto decimo.