Urkunde Nr. 4562 aus Band VII

Seite im UB:

358-359

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell II, Nr. 24.

Druckvorlage:

nach Original

Abdruck als:

Volltext

Sprache:

Deutsch

---

4562

Bistritz 1484 Mai 19 Thomas, „der alte Zwanziger zu Nösen", schreibt dem Johannes Mwesz aus Kronstadt wegen 16 Gulden, die dessen Diener empfangen hat.

Maynen frwenttlichen¹⁾ Grws czw wor. Wyssett, ersamer Her, das ewer¹⁾ Dyner Andreas Schonwetter, als er das nest Mol czw Kronestatt jst gewessen, dos hott er myr brochtt eyn Quittancz wntter der Statt Sigil, dor yn stett geschriben, daz ich ym sal geben fon dem Czwaynczigesten Geltt florenos 16, dy hab ich ym geben. Dorum ewer¹⁾ Wayshaytt sall wyssen, daz ich daz dem Herren dem Purgermaister an gesagtt hab, alzo dwenkett¹⁾ mich, daz dy florenos 16 dy Andreas Schönvetter entpfhangen hott fon dem altten Czwaynczygesten, nichtt gerechentt sayn ober in dy Rechnunge gethon, dorumb) ob sy nichtt gerechentt sayn, so ways ewer¹⁾ Er wol wass Yr thwn soltt, nitt mer swnder ich befel ewech¹⁾ dem almechtigen Gott. Gegeben czw Noesen²⁾ om Myttwach noch Sophie vidue³⁾ 1484.

Thomas der alth Czwayncziger czw Noesen²⁾, ewer¹⁾ Diner. [S. 359]

Auf der Rückseite Adresse: Dem nomhefftigen wnd wayssen Herren Johanni Mwesz¹⁾ czw Kronenstatt zaynem liben Herren zal dyzer Briff.


1) e über w. [8x]^{^}
2) e über o. [2x]^{^}
3) Auf Rasur, darunter war wohl virginis. ^{^}