Urkunde Nr. 4564 aus Band VII

Seite im UB:

359-361

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 9 - Abt. 3: K. A. Hetzeldorf [Parohia Ev. CA Aţel], Nr. 4.

Druckvorlage:

nach Original

Abdruck als:

Volltext

Sprache:

Latein

---

4564

Mediasch 1484 Juni 10 Der siebenbürgische Woiwode Stephan Báthori entscheidet den Mühlenstreit zwischen dem Gräfengeschlecht der Thabyasy und Hetzeldorf zu Gunsten dieser Gemeinde.

Nos comes Stephanus de Bathor vaivoda Transsilvanus¹⁾ Siculorumque comes necnon iudex curiae serenissimi principis domini Mathiae dei gratia regis Hungariae, Bohemiae, Dalmatiae, Croaciae et cetera memoriae commendamus per praesentes, quod nos feria secunda proxima post festum Penthecostes²⁾ unacum egregiis Thoma Parvo de Lak, cubiculario regiae maiestatis, et Stephano Zewld de Ozthopan, camerario de Riwlidominarum, in opido regali Saxonicali Megyes vocato partium scilicet Transsilvanarum per regiam maiestatem pro certis differentiis eiusdem regni penes nos electis et constitutis nobiles Ladislaus et Thobias dicti Thabyasy et Johannes de Somod frater eorundem condivisionalis nostram et eorunden Thomae Parvi et Stepliani Zewld venientes in praesentiam gravi querela exponere curarunt [S. 360] in hunc modum. Quomodo populi et iobagiones praedicti domini nostri regis in possessione eiusdem Saxonicali Eczczel vocata commorantes quoddam molendinum ipsorum duarum rotarum in fluvio aquae Kykellew vocato decurrente de priori et antiquo loco removissent et in alium locum construxissent et locassent aggeremque eisdem novi molendini ipsorum et cannas ubi rotae volvuntur in tantum elevassent, quod per excrescentiam ipsius aquae fluvii Kykellw unum aliud molendinum ipsorum nobilium supra molendinum ipsorum populorum de Eczczel alias in eodem fluvio Kykellew decurrente in omnibus aedificiis penitus et in toto devolatum foret et haberetur in quibus ipsi nobiles per praedictos populos regales de Eczczel [exepleris temporibus iam multa damna et] ³⁾ incommoda perpessi fuissent pateremturque etiam de praesenti et parte quorum iidem Ladislaus et Thobias Thabyasy dicti et Johannes de Somod a nobis iudicium et iustitiam habere [ praedictos populos] ⁴⁾ et iobagiones dicti domini nostri regis in possessione Eczczel vocata commorantes praevia ratione nostri ac eorundem Thomae Parvi et Stephami Zewld praesentiam accersiri et convocari fecissemus iidem populi de Eczczel contra et diversus ipsos Ladislaum ac Thobiam Thabyasy et Johannem Somodi taliter respondissent, quod hoc bene verum foret, quod ipsi molendinum ipsorum duarum rotarum in dicto fluvio aquae Kykellew decurrente de priori et superiori loco suo in alium locum inferiorem construxissent et locassent, non tamen per hoc molendinum dicti Ladislai Thabyasy et aliorum praedictorum nobilium desolassent neque damna eisdem exinde irrogassent, sed ipsi nobiles rationem dicti desolati molendini ipsorum certis ex causis concordare non potuissent et sic ipse Ladislaus et Thobias per se unum aliud molendinum trium rotarum fluvio in praedicto Kykellew sibi ipsis in alio loco superiori fabricari et ex novo construi fecissent et procurassent. Sicque ipsi populi regales de Eczczel dictum antiquum molendinum iamfatorum Ladislai et Thobiae Thabyasy necnon Johannis de Somod non desolassent neque dampna aliqua eisdem nobilibus intulissent, quin potius ipsi nobiles Ladislaus et Thobias Thabyasy silvas ipsorum populorum regalium de Eczczel ad structuram dicti novi molendini ipsorum trium rotarum in magna sui parte succidi et deportari fecissent. In super iidem Ladislaus et Thobias cunctas alias silvas et terras eorundem populorum Saxonicalium extra iura et consuetudinem Saxonum intra metas dictae possessionis Eczczel habitas et adiacentes pro se usurpassent neque census et alios redditus prout alii Saxones de talibus dare tenerentur in medium numerum Saxonum dedissent nec dare vellent etiam ad praesens in praeiudicium et damnum totius consulatus Saxonum valde magnum. Quae omnia secundum mandatum dicti domini nostri regis revisioni, discussioni et iudicio nostro et dictorum Thomae Parvi et Stephani Zewld benivole submitterent. Cumque nos ad revisionem situs et adiacentia dictorum molendinorum praelibatorum populorum de Eczczel nobilium Ladislai ac Thobiae Thabyasy et Johannis de Somod antiqui desolati quam etiam altius molendini praelibatorum Ladislai et Thobiae trium rotarum de novo constructorum et aedificatorum praefatum Stephanum Zewld de Ozthopan camararium et Mihaelem de Barath transmississemus. Tandem quidem ad nos ac dictum Thomam Parvum reversi modo fnrascripto retulissent, quod ipsi feria tertia proxima post dictum festum Penthecostes⁵⁾ ad facies dictorum molendinorum tam iamfatorum populorum regalium de Eczczel quam praedictorum nobilium accessissent, ubi tam ipsi nobiles iamfati quam populi regales de Eczczel scilicet etiam molendinatores experti per utrasque partes adducti comparentes circumspectis ibidem locis situm et adiacentiam eorundem molendinorum utrarumque partium tam aedificatorum quam etiam desolatorum mensurantes etiam aquam ipsius fluvii Kykellew, prout in talibus [S. 361] fieri consuerit, taliter reperissent, quod iidem Ladislaus et Thobias Thabyasy eorum molendinum trium rotarum in dicto fluvio Kykellew constructum in cannalibus in quibus scilicet rotae molendini volvuntur ac aggeris edificiis et structuris tantae longitudinis sicuti pictura ista immediate sequens se extenderet et in tanto dissensu seu quantitate prout protractio linearum sequentium demonstrat et ostendit⁶⁾. Infra vel declinius usque festum assumtionis beatissimae Mariae virginis gloriosissimae nunc affuturum⁷⁾ condescendi facere [ ] ⁸⁾ ne pro ipsarum cannarum et aggeris elevationes tempore inundationis dictae aquae Kykellew per incurrentiam eiusdem in pratis et terris arabilibiis dictorum populorum regalium de Eczczel et de Saros a parte eorundem damna fierent hiis quoque peractis et in praedicto statu relictis venissent ad molendina iamfatorum populorum regalium de Eczczel fluvio in praedicto Kykellew decurrente. Ubi iidem Stephanus Zewld et Michael de Barath unacum dictis magistris molendinatoribus expertis circumspectisque prius in cannarum et aggeris adiacentiae et elevantionibus modo simili mensurantes ipsam aquam Kykellew ubi eis visum fecisset taliter repperissent. Quod idem molendinum duarum rotarum iamfatorum populorum regalium de Eczczel molendino trium rotarum saepefatorum Ladislai et Thobiae Thabyasy, prout nunc stat, in nullo praeiudicaret neque eis damnum faceret; quod molendinum populorum de Eczczel statu in eodem in omnibus aedifciiis pacifice permississent non tamen de antiquo molendino ipsorum Ladislai et Thobiae dictonim Thabyasy et Johannis de Somod ex eo quia omnino desolatum fuisset et esset quitquam iuris vel iudicare potuissent. Proinde nos unacum praedictis Thomae Parvo de Lak ac Stephano Zewld de Ozthopan et Michaele de Barath aliis etiam quam pluribus nobilibus viris extunc nobiscum constitutis et existentibus partes inter praedictas [ ] ⁹⁾ ut praefati Ladislaus et Thobias Thabyasy dictum molendinum ipsorum trium rotarum secundumque praemissum et in cannalibus et etiam aggeris structura usque dictum festum assumtionis beatissimae Mariae virginis gloriosae⁷⁾ mensura in praedicta condescendi faciant sub poena quinquaginta et C marcarum in duabus nobis in tertia vero partibus dictis populis regalibus de Eczczel [ ] ¹⁰⁾ eorundem populorum regalium de eadem Eczczel et Saros ab ista parte fluvii Kykellew contra eorundem populorum regalium voluntatem de cetero succedendi non habeant facultatem et etiam de aliis silvis et terris de quibus hactenus in medium Saxonum censum dare noluissent secundum iura ipsorum Saxonum in medium eorundem annuale censum dare et contribuere teneantur. In cuius rei testimonium partibus praedictis praesentes literas nostras concessimus uberiorem ad cautelam. Datum in dicto opido Megyes quarto die termini praenotati anno domini millesimo quadringentesimo octoagesimo quarto.


1) Bis hierher Schrift vergrößert.^{^}
2) Juni 7.^{^}
3) Lücke 75 mm.^{^}
4) Lücke 58 mm.^{^}
5) Juni 8.^{^}
6) Es folgt hierauf eine an den Schmalseiten geschlossene Doppellinie von 265 mm.^{^}
7) August 15. [2x]^{^}
8) Lücke 20 mm.^{^}
9) Lücke 35 mm.^{^}
10) Lücke 50 mm.^{^}