Urkunde Nr. 4568 aus Band VII

Seite im UB:

365

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden Nr. 63.

Druckvorlage:

nach Original

Abdruck als:

Volltext

Sprache:

Latein

---

4568

Desch 1484 Juni 26 Der Rat von Desch entscheidet einen Rechtsstreit zwischen seinem Mitbürger Stephan Literatus aus Fünfkirchen und Elena, der Witwe nach Georg Byro um eine Wiese.

Nos Ladislaus Nagy iudex, Matheus Literatus, Johannes Scyus, Ambrosius Literatus, Paulus Porkolab, Cozmos Rever, Stephanus Bekri, Thomas Fißesi, Andreas Laczfy, Emericus Bodolay et magister Stephanus Literatus, iurati cives de Dees, damus pro memoria quod quia inter circumspectum Stephanum Literatum Quinqueecclesiensem, nostrum concivem ab una parte vero ex altera honestam dominam Elenam, relictam condam Georgii Byro similiter nostram cohospitam, pro certis negotiis videlicet debitis nonnullae causae tam coram nobis quam coram aliis iudicibus nostris praedecessoribus motae fuerunt ac diutius ventillatae, inter quas idem dictus Stephanus Literatus secundum nostram adiudicationem legittime intendebat certas res et bona, quae condam dictum Georgium Byro de iure concernissent invenire, reperto autem uno prato seu foeneto in Thewlges habito, quod olim per ipsum Georgium Byro provido Andreae Bothos fuerat impignoratorum ac per eundem Andream Both[os] ¹⁾ in agone testamentaliter remissum, cuius prati seu feneti praescripti directam tertiam partem ad ipsum [pertinentem] ²⁾ Georgium Byro tam vita comite quam post mortem eiusdem spectasse et de iure pertinere legittime invenimus. Unde nos in talem directam tertiam partem eiusdem foeneti praenotati in Thewlges habiti quae tertia pars saepefatum condam Georgium Byro legittime concernebat eundem iam notatum Stephanum Literatum intromissimus iure mediante irrevocabiliter ac iure perpetuo tenendum, possidendum pariter et habendum in personali praesentia praefatae dominae Elena, relictae condam Georgii Byro, quali nostro iudicio nec ipsa contradixit et admissione. In quorum omnium praemissorum robur et testimonium praesentes nostras patentes litteras communi sigillo opidi consignatas firmiori pro cautela iuris et iustitiae dicti Stephani Literati eidem duximus concedendum. Datum in Dees, sabbatho proximo post festum nativitatis beati Johannis baptistae, anno domini millesimo quadringentesimo octoagesimo quarto.[S. 366]


1) Lücke 3 mm. ^{^}
2) Lücke 24 mm.^{^}