Urkunde Nr. 4575 aus Band VII

Seite im UB:

369-370

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1857.

Druckvorlage:

nach Original

Abdruck als:

Volltext

Sprache:

Latein

---

4575

Marienburg 1484 November 4 Der siebenbürgische Woiwode Stephan Báthori entscheidet, dass der Krebsbach, der die zur Törzburg gehörende Ortschaft Crizbav durchfliesst, oberhalb dieses Ortes zur Hälfte nach Marienburg abgeleitet wird.

Nos comes Stephan de Bathor, vaivoda Transsilvanus Siculorumque comes necnon iudex curiae serenissimi principis domini Mathiae dei gratia regis Hungariae, Bohemiae, Dalmatiae, Croatiae et cetera memoriae commendamus per praesentes, quod nobis sabbato proximo ante festum omnium sanctorum¹⁾ unacum certis nobilibus et potioribus Siculorum harum partium Transsilvanarum rationabilibus ex causis penes nos existentibus in civitate Brassoviense constitutis circumspecti viri Lucas Engelen iudex ac Iohannes Leecz et alter Iohannes Kelethner iurati cives opidi regalis Feldwar in ipsorum ac universorum populorum et inhabitatorum eiusdem opidi personis nostram venientes in praesentiam gravi cum querela nobis exponare curarrunt in hunc modum: Quomodo egregii Sigismundus Nagh et Blasius Figedy, castellani rostri castri praefati domini regis Therch quendam fluvium Kliszbach nuncupatum, a parte possessionis regiae maiestatis Kliszbach in pertinentiis dicti castri Therch habitae fluentem quiquidem fluvius semper et ab antiquo per medium eiusdem opidi Feldwar fluxisset penes eandem possessionem Kliszbach recludentem ad dictum opidum Feldwar flere non permississent neque permitterent etiam modo in quibus inhabitatores ipsius opidi Feldwar propter defectum aquae a plerisque temporibus multa dampna et incommoda perpessi fuissent paterenturque etiam de praesenti in praeiudicium et dampnum valde ingens. Cumque nos praefatos castellanos nostros nostri in praesentiam accersiri convocarique fecissimus iidem castellani nostri contra praefatos inhabitatores opidi Feldwar respondissent ex adverso, quod verus et antiquus meatus ipsius fluvii ad dictam possessionem regiam Kliszbach dictam semper fuisset essetque etiam modo. Nos itaque tum ad supplicationem et preces circumspectorum virorum Petri Rewel iudicis ac Iohannes Feltkerek iurati civis dictae civitatis Brassoviensis scilicet dictorum Lucae iudicis ac Iohannis Leecz et alterius Iohannis Kelethner iuratorum de Feldwar tumque pro comodo et utilitate opidi praetacti domini nostri regis unacum certis probis et nobilibus scilicet praefatis Petro Rewel et Iohanne Feltkerek ad conspiciendum et intuendum [S. 370] dictum fluvium Kliszbach et fluxum ac meatum eiusdem accessimus cumque ad faciem dictae possessionis Kliszbach consequentesque ad praenarrarum Kliszbach pervenissemus universis populis et iobagionibus regiis in eadem Kliszbach commorantibus inibi legittime convocatis praefatis etiam Luca Engelen iudice ac Iohanne Leecz et altero Iohanne Kelenther iuratis aliisque quam pluribus inhabitatoribus eiusdem opidi Feldwar in ipsorum ac totius communitatis opidi eiusdem personis ibidem adherentibus et praesentibus iuxta eundem fluvium versus Alpes unde scilicet fluebat per magnum spatium procedentes et dum ad locum seu fossatum ubi dictus fluvius versus opidum Feldwar praedictum declinabatur pervenissemus ubi licet versus et antiquus fluxus et meatus ipsius fluvii versus dictam possessionem Klyszbach fuisse et esse nobis et aliis probis et nobilibus viris nobiscum existentibus videbatur et apparebat manifeste. Tamen conspeximus ipsum fluvium tam ad praenarratum opidum Feldwar quam ad dictam possessionem Kliszbach ab antiquis temporibus et annis fluentem habuisse et habere et ibi²⁾ in duas partes divisum fuisse et hoc idem tam per dictos iudicem ac iuratos et inhabitatores opidi Feldwar quam per praedictos populos de Kliszbach affirmabant habita itaque huiusmodi reambulatione visoque et considerato meatu ipsius fluvii cum dictis probis civis nobis adherentibus diutius superinde tractando ut ipsis partibus iurismedeiam administrare veleremus. Quia nobis et ceteris idoneis viris, nobiscum existentibus visum fuit, quomodo ipse fluvius Kliszbach qui ut praemissum est in duas dividi deberet partes loco in eodem recte et aequaliter dividi non posset. Nos igitur tum exeo terque pro comodo et utilitate maiestatis regiae et oppidi sui antedicti et pro unione et concordia partium descendimus in transitu eiusdem fluvii usque viam publicam que ducit de possessione Zwnywkzeg ad dictam possessionem Kliszbach, ubi volentibus et consencientibus utrisque partibus conclusimus et commisimus ut a dicta via Zwnywkyegywth appellata usque ad dictam possessionem Kliszbach foderet unam fossatum, quodquidem fossatum per ipsas partes unanimi voto et aequalibus laboribus et expensis fodi deberet et per ipsum fossatum aequalis medietas ipsius fluvii ad eandem possessionem Kliszbach alia vero recta medietas eiusdem aquae versus dictum opidum regale semper et perpetue fluere, meare et decurrere valeat et deberet. Ut autem inter inhabitatores ipsius opidi Feldwar et praenarratae possessionis Kliszbach semper futuris temporibus pax et concordia fiere valeat et ipse fluvius in rectas et aequales duas partes dividi posset voluerunt ipsae partes terque in quolibet anno temporibus semper affuturis de praefato opido Feldwar iudex et unus iuratus civis eiusdem opidi pro tempore constituti similiter et de dicta possessione Kliszbach iudex et unus iuratus eiusdem possessionis Kliszbach ad aspiciendum et revidendum ipsum fluvium et meatum eiusdem proficiscant et tali ordine ipsum fluvium conspiciant, ut aequalis medietas ipsius fluvii versus dictam possessionem Kliszbach alia quidam aequales medietas versus opidum Feldwar praedictum decurrat et defluat. In cuius rei memoriam et testimonium praesentes literas nostras sigilli nostri munimine roboratas eiusdem civibus de Feldwar duximus concordendas. Datum in eodem opidi Feldwar sexto die termini praenotati, anno domini millesimo quadringentesimo octoagesimo quarto. [S. 371]


1) Oktober 30.^{^}
2) Über der Zeile.^{^}