Urkunde Nr. 4593 aus Band VII

Seite im UB:

389

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 420.

Druckvorlage:

nach Original

Abdruck als:

Volltext

Sprache:

Latein

---

4593

Weissenburg 1485 Mai 26 Der siebenbürgische Bischof Ladislaus Gereb ersucht den Hermannstädter Bürgermeister Thomas Altemberger, den Bewohnern von Haschagen, die von den Reussenern überfallen worden sind, Genugtuung zu verschaffen.

Egregie amice nobis sincere dilecte. Nostri venientes in praesentiam quidam et potioribus duarum sedium Saxonibus proposuerant gravis admodum querelae in praetextu¹⁾, quod temporibus proxime elapsis iobagiones de possessione Rwzyim territorium populorum de Hassagh irruissent, omnesque piscinas eorum desecassent et omnia molendina ipsorum in decursu aquae destruxissent et frustratim de loco proiecissent potentia ipsorum mediante, in praeiudicium et dampnum ipsorum populorum de Hassagh praedicta gravissimum. Suplicantes nobis debita cum instantia, ut nos quemadmodum legitimus eorum tutor et protector, ipsis superinde de remedio providere dignaremur opportuno. Et quia regia maiestas nos per literas suas protectorem et tutorem praedictarum duarum sedium constituit, prout non ambigimus et vestrare id ignotum esse egregietati. Ideo requirimus eandem egregietatem²⁾ vestram, quatenus vestri honoris intuitu velitis providere eo modo, ut per eosdem iobagiones de Rwzy ipsis populis de Hassagh de eorum iniuriis et dampnis modo praemisso illatis et perpetratis satisfactio impendatur, ne ipsi pro eisdem regiae cogantur conqueri maiestati, credentes, quod non parum taedio sua afficeretur maiestas, si huiusmodi ad aures suae deducta fuerint maiestatis, quae tendunt ad totius possessionis desolationem et ruinam. Datum in pallatio nostri³⁾ episcopali Albensi Transsilvanensi feria quinta proxima post festum Penthecostes, anno domini millesimo quadringentesimo octuogesimo quinto.

Ladislaus Gereb, episcopus Transsilvanus
apostolicae sedis legatus et cetera.

Auf der Rückseite Adresse: Egregio Thomae Altenberger magistro civium civitatis Cibiniensis, amico nobis sincere dilecto.


1) Über der Zeile.^{^}
2) Vorlage eggrietatatem. ^{^}
3) So Vorlage.^{^}