Urkunde Nr. 4601 aus Band VII
- Seite im UB:
- 393-394
- Heute in:
- Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]
- Heutige Signatur:
- Stadt Klausenburg [Primăria Oraşului Cluj] (Inventar 1ff.), Priv. I 37.
- Druckvorlage:
- nach Original
- Abdruck als:
- Volltext
- Sprache:
- Latein
4601
Wien 1485 August 20 König Matthias verbietet allen Rechtsinhabern Ungarns, ihre Untertanen an der Niederlassung in Klausenburg zu hindern, wenn sie den Grundzins entrichtet haben. Orig. Perg. Arh. St. Cluj-Napoca, Archiv der Stadt Cluj Priv. I. 37. Siegel, rund, Dm. 65 mm, war in rotes Wachs vorne aufgedrückt.
Von der Kanzlei: Commissio propria domini regis.
Mathias dei gratia rex Hungariae, Bohemiae et cetera fidelibus nostris universis et singulis praelatis baronibus, comitibus, castellanis, nobilibus ipsorumque officialibus, item civitatibus, opidis et villis earumque rectoribus, iudicibus et villicis ac alterius cuiusvis status et conditionis possessi-[S. 394] onatis hominibus in regno nostro Hungariae et partibus sibi subiectis ubivis constitutis et existentibus praesentes visuris salutem et gratiam. Expositum est maiestati nostrae in personis fidelium nostrorum prudentum et circumspectorum iudicis et iuratorum ceterorumque civium et inhabitatorum civitatis nostrae Koloswariensis admodum gravis querelae, qualiter nonnulli forent ex vobis, qui rusticos et iobagiones suos habita licentia iustoque terragio deposito et alias iuxta consuetudinem regni nostri de bonis et possessionibus eorum ad ipsam civitatem nostram morandi causa venire volentes adinventis quibusdam calumpniis libere recedere et abire non permitterent in praeiudicium eorundem exponentium et desolationem eiusdem civitatis nostrae non modicum. Cum autem antiqua et approbata lege et consuetudine regni nostri reqirente quilibet iobagio sive iobagionalis conditionis homo sicuti de bonis et civitatibus nostris ad aliorum bona ita et e converso etiam de aliorum bonis et possessionibus ad civitates et alia bona nostra habita licentia iustoque terragio deposito et alias iuxta consuetudinem regni nostri liberam habeat recedendi potestatis facultatem. Ideo fidelitati universitatis vestrae et cuiuslibet vestrum harum serie firmissime praecipimus et mandamus, quatenus acceptis praesentibus omnes tales rusticos seu iobagiones vestros, qui ut praemittitur habita licentia iustoque terragio deposito et alias iuxta regni nostri consuetudinem de bonis et possessionibus vestris ad dictam civitatem nostram venire voluerint moraturi eosdem simulcum universis rebus et bonis eorum libere, pacifice et sine omni impedimento ire et recedere permittere et permitte facere modis omnibus debeatis et teneamini. Quoniam alioquin commisimus et serie praesentium strictius commitimus fidelibus nostris magnificis vaivodis vel vicevaivodis partium regni nostri Transsilvanarum, item comitibus vel vicecomitibus et iudicibus nobilium illorum comitatuum in quibus forsitan huiuscemodi mandata nostra non observarentur, ut ipsi scita prius praemissorum mera veritate eos et quemlibet vestrum ad praemissa faciendum cum birsagiis in talibus fieri solitis artius compellant et astringant, auctoritate nostra praesentibus ipsis in hac parte attributa et iustitia mediante. Aliud ergo non facturi. Praesentibus perlectis exhibenti restitutis. Datum Viennae in festo beati regis Stephani, anno domini millesimo quadringentesimo octogesimo quinto, regnorum nostrorum anno Hungariae et cetera vigesimo octavo, Bohemiae vero decimo septimo.