Urkunde Nr. 4614 aus Band VII

Seite im UB:

401

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell III, Nr. 17.

Druckvorlage:

nach Original

Abdruck als:

Volltext

Sprache:

Latein

---

4614

Zeiden 1485 November 10 Der siebenbürgische Vizewoiwode Stephan Horwath ersucht Richter und Rat von Kronstadt, Vertreter zur Untersuchung eines Schadens zu entsenden, den der Törzburger Kastellan Petrus Derencheny einem Bewohner der Walachei zugefügt hat.

Prudentes et circumspecti viri amici nostri honorandi. Credimus vobis constare quemadmodum pridie magnificus dominus noster vaivoda certum hominem suum pro parte cuiusdam familiaris egregii Petri Derencheny et quorundam quinquaginta florenorum ad vaivodam partium Transalpinarum intromiserit. Intelleximus etiam, quomodo et vos ratione eiusdem facti unum ex vobis in dictas partes Transalpinas intro misissetis. En autem hodierna die praefatus homo ipsius domini nostri ab ipso vaivoda rursus ad nos reversus, nobis dixit, quomodo ipse unacum praetacto nomine vestro, in praesentia ipsius vaivodae insimul fuissent constituti. Sed ille Wolachus qui damna passus fuit, comparere recusasset. Nunc autem scituri et certi sitis, quod nos interea, donec hoc factum rectificabimus, castrum Therch ab ipso Petro Derencheny auferre non possumus. Ob eam rem rogamus vestras amicitias et in persona praefati domini nostri hortamur easdem praesentibus, quatenus agnitis praesentibus die crastina ante prandium, duos ex vobis, sed et illum hominem quem, ut praemittitur, in dictas partes Transalpinas pro facto praemisso transmiseratis, ad nos transmittere velitis, ut nos factum ipsum rectificare et tandem castrum ipsum ab ipso Petro¹⁾ occupare et auferre valeamus. Secus igitur petimus ne facturi. Datum in oppido Fekethehalom feria quinta proxima ante festum beati Martini episcopi et confessoris, anno domini et cetera lxxx quinto.

<ze<Stephanus Horwath
in persona domini wayuodae constitutus et cetera.

Auf der Rückseite Adresse: Prudentibus et circumspectis viris iudici et iuratis civibus civitatis Brassouiensis, amicis nostris honorandis.


1) Hierauf gestrichen ad. ^{^}