Urkunde Nr. 4615 aus Band VII

Seite im UB:

401-402

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 198.

Druckvorlage:

nach Original

Abdruck als:

Volltext

Sprache:

Latein

---

4615

Schässburg 1485 Dezember 2 Der Rat von Schässburg leitet die Klage der Bewohner von Bekokten gegen zwei Schaaser Maurermeister wegen fehlerhaften Aufbaus eines Turmteiles an die Sieben Stühle zur zweitinstanzlichen Entscheidung. [S. 402]

Spectabiles, prudentes circumspectique viri domini nobis sincere honorandi. Noveritis nos more solito et consueto in sede nostra iudiciaria pro tribunali consedisse, nostri venientes litigantes in praesentiam providi viri Iohannes Herman et Michael Bogholczer in suis et singulorum inhabitatorum Barancuth personis ut actores personales causae parte ex una ex alia partibus Lucas Murator de Sches et Veronica relicta quondam Iohannis Muratoris similiter de Sches proposuerunt annodati actores Iohannes et Michael de Barankuth querelam ipsorum modum in hunc. Quomodo ante certi temporis spatium quandam portionem structurae in quadam turri a fundo ipsius erexissent et ex animadvertentia aut negligentia ipsorum turris deorsum in terram casum dedisset, unde satis evidens percepissent damnum. Ex adverso prius notati Lucas et Veronica relicta de Sches respondentes, quod portionem eiusdem structurae in turri ipsorum a fundo erigendam et construendam concessissent eandem cum omni diligenti studio et summa providentia construxissent exinde nullum damnum percepissent. Mortuo vero autem magistro Iohanne de Sches, qui primo ipsos labores inchoavit peritus et expertus in ipsa arte fuit deficiente iuvamine seniores de Barankwth eosdem labores procrastinare noluissent sed agitassent, tandem idem magister Lucas illis hominibus de Barankuth ipsam portionem structurae pro qua lis excitatur absque omni nota et defectu resignasset et eo tempore ab omni infestatione ulteriori sine conditionis modo aliquali liberos quittos pronuntiassent; quemadmodum ipsinet Iohannes et Michael de Barankuth nobis praesentibus hoc aequali modo fatebantur et amplius quod nullum penitus defectum in eadem portione structurae turris agnovissent. Unde nos attenter auditis intellectisque praemissarum partium propositionibus et responsionibus ex quo praedicti Iohannes et Michael de Barankuth actionem ipsorum contra praefatos magistrum Lucam et Veronicam de Sches penitus in nullo comprobare potuerunt et quod sponte eorum voluntate quittos reddiderunt hanc sententiam diffinitivam in ipsa causa duximus ferendam videlicet quod exponentes Iohannes et Michael ratione et in persona inhabitatorum Barankuth a modo in posterum in huiusmodi causa erga praefatos Lucam et Veronicam de Sches ratione damni ipsis in turri illati innocentes agnovimus omnimodo debeant habere silentium. In qua lata sententia praefati exponentes Iohannes et Michael non contenti sed actionem ipsam per viam legitimae appellationis remedii ad discussionem iudicii vestrarum prudentiarum provocare curaverunt. Datum in Zegeswar feria sexta ante festum beatae Barbarae, anno domini 1485.

Magister civium, iudices et iurati cives
civitatis Zegeswariensis.

Auf der Rückseite Adresse: Spectabilibus prudentibus circumspectisque viris magistris civium, iudicibus iuratisque senioribus septem sedium Saxonicalium partium Transsilvanarum, dominis et fautoribus ipsis praeferendis.