Urkunde Nr. 4617 aus Band VII

Seite im UB:

406-407

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 428.

Druckvorlage:

nach Eintragung / Konzept

Abdruck als:

Volltext

Sprache:

Latein

---

4617

1485 Der Hermannstädter Bürger Georg Sartor macht eine Stiftung für den Altar der hl. Jungfrau Maria de Recanati in der Pfarrkirche zu Hermannstadt.

In nomine domini amen. Anno domini MCCCCLXXXV ego Georgius Sartor concivis Cibiniensis civitatis pro honore dei et animarum salute hanc dispositionem facere decrevi pro altari in honore beatae virginis Mariae de Raconato in ecclesia dictae civitatis fundato, quod me vivente habeam eligere unum honorabilem praesbyterum in altaristam dicti altaris pro cuius altaristae et altaris eiusdem necessitatibus, sustentatione et provisione ac proventibus mitto, lego, dono et assigno ut infra:

Primo 42 iugera agrorum arabilium descripta et specificata in cedula.
Pratum meum in cantitate et magnitudine 4 iugerum agrorum arabilium penes Cigelschever situm. Pratum meum aliud penes viam, qua itur ad sanctum Michaelem quod fluvius ibidem fluens transfluit.
Item duo iugera vinearum in novo monte habitarum.
Item hortum¹⁾ meum penes Zagthor cuius vicini ex utraque parte sunt Craus Peter et Lorencz Sneyder.
Item duas piscinas meas cum reservaculo seu reclusorio piscium in eisdem habito circa leprosorum, quarum ab una Thomas Bol ab altera vero partibus Iohannes Agate ipsi altaristae et altari eiusdem dono.
Item domum meam allodialem in vicinatu domus Greff Peteren ex opposito domus magistri Materni²⁾ Auriperi situatam cum omnibus suis pertinentiis et utilitatibus suis quibuscumque nominibus dicantur.

Et si videro in processu temporum quod ipse altarista et illud altare in hiis proventibus non erunt sufficienter provisi an non poterint commodose contentari, extunc ego dante²⁾ eisdem intendo facere provisionem quod bene poterit contentari.
Si autem deo volente ante huiusmodi provisionem me contingeret, obire, tunc ego in tantum mittam dominis meis magistro civium, iudicibus consulibus et cetera quod bonam poterint de praemissis facere provisionem. Quibus etiam post obitum meum committo, lego et resigno omnem facultatem meam et ius patronatus dictum altaristam eligendi, providendi una [S. 407] cum altari et proventibus suis et conservandi, ita ut si viderint eum devotum et utilem, quod eum foveant caritative. Sin autem si viderint eum fore dissipatorem bonorum ipsius altaris, quod eum removeant et alium devotum et utilem promoveant ad illud.
Opto tamen ordine et disponere volo sic quod dictus altarista cum sanus fuerit, et gratiam devotionemque a deo se habere senserit ad divina sacramenta celebranda quotidie divina celebret. Si autem aeger aut ad divina celebranda se indispositum fuerit ad hoc non sit obligatus. O deus quatenus dignus sit.

Ego itaque Georgius dispositor praenotatus supplico dominis meis annotatis magistro civium, iudicibus consulibusque senatus annotatae civitatis tam humiliter quam confidenter et subiective, quod ipsi parefatum altaristam et domum eiusdem velint liberum et exemptum habere et servare sine omni onere et quocumque gravamine censuum, datiarum, taxarum et dicarum tam ordinariorum quam extraordinariorum, tam regalium quam provincialium et civilium [ ] ³⁾, item ab omnibus laboribus, vigiliis, custodiis quibuscumque. Incolini autem, si fuerint, more aliorum incolinorum huius civitatis serventur. Opto tamen suppliciter, quod incolini domus eiusdem qui fuerint solum in uno lot permittantur, ut dictus altarista commodosius incolinos possit habere.


a) UB: Orig. Konzept Pap., Folioblatt, gefalten.^{^}

1) Vorlage ortum. ^{^}
2) Im Bug Lesung erschwert. Hier nach Wenrich. [2x]^{^}
3) Hierauf unleserlich 17 mm.^{^}