Urkunde Nr. 4626 aus Band VII
- Seite im UB:
- 414-415
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Heutige Signatur:
- Sammlung Brukenthal [Colecţia Brukenthal], Urkunden (Inventar 119) Nr. 290 (alt S 1-10 Nr. 35).
- Druckvorlage:
- nach Original
- Abdruck als:
- Volltext
- Sprache:
- Latein
4626
Ofen 1486 Februar 21 König Matthias gestattet dem Rat von Hermannstadt sowie den Richtern und Geschworenen der Sieben Stühle gegen Verbrecher, Diebe und Brandstifter auf ihrem Gebiet mit aller Härte vorzugehen. Orig. Pap. Arh. St. Sibiu, Handschriftensammlung des Brukenthalmuseums, Urkunden 290/35. Siegel, rund, Dm. 65 mm, war in rotes Wachs vorne aufgedrückt.
Von der Kanzlei: Commissio propria domini regis.
Mathias dei gratia rex Hungariae, Bohemiae et cetera fidelibus nostris prudentibus et circumspectis magistris civium ac iuidici et iuratis civibus civitatis nostrae Cibiniensis aliisque iudicibus et iuratis civibus aliorum civitatum et oppidorum nostrorum septem sedium Saxonicalium salutem [S. 415] et gratiam. Intelleximus ex relatibus certorum fidelium nostrorum in vicinitate dictarum civitatum et oppidorum nostrorum dictarum septem sedium Saxonicalium certos malefactores videlicet fures, predones et incendiarios insurrexisse ac quottidie in bonis et possessionibus nobilium inter Saxones nostros regales bona habentium moram facere ac iidem malefactoress alios extraneos malefactores complices et participes criminis eorundem secum sustentant. Unde complurimi Saxones nostri et alii homines sub Cibiniensi et aliis septem sedibus Saxonicalibus commorantes per furticinia, spolia, homicidia, incendia, comminationes aliaque malitia eorum iudicibilia dampna suscepissent et susciperent iudices. Et quia nos nolumus talium malefactorum malicias tollerare, statuimus ubique de medio dictae sedis Cibiniensis et aliarum sedium Saxonicalium ipsos malitiosas homines expurgare et extirbare. Ideo fidelitati vestrae harum serie firmiter praecipiendo mandamus, quatenus a modo deinceps omnes tales malefactores ubique in bonis et possessionibus quorumcumque nobilium ubi illos reperire poteritis libere detineri et captivari ac iuxta eorundem demerita et secundum exigentiam delicti debita poena affligi et puniri debeatis. Auctoritate nostra vobis in hac parte attributa et iustitia mediante secus si vestrum ac aliorum fidelium nostrorum dampna evitari cupitis facere non ausuri praesentes autem pro vestris poteritis reservare expeditionibus. Datum Budae feria tertia proxima post dominicam Reminiscere anno domini millesimo quadringentesimo octoagesimo sexto, regnorum nostrorum Hungariae et cetera, anno vigesimo nono, Bohemiae vero decimo septimo.