Urkunde Nr. 4638 aus Band VII

Seite im UB:

422-423

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. C Nr. 20.

Druckvorlage:

nach Original

Abdruck als:

Volltext

Sprache:

Latein

---

4638

Wissegrad 1486 Mai 17 ^a) König Matthias gestattet der Stadt Klausenburg, alle Bewohner jedweden Standes nach ihren Liegenschaften auf Stadtgrund zur Steuerleistung zu verhalten.

Von der Kanzlei: Commissio propria domini regis.

Nos Mathias dei gratia rex Hungariae, Bohemiae et cetera memoriae consemnamus tenore praesentium significantes quibus expedit universis, quod fideles nostri prudentes et circumspecti Ambrosius Sartor, iudex ac Laurencius Eppel, iuratus civis civitatis nostrae Koloswariensis, nostrae maiestatis venientes in praesentiam, in suis et ceterorum civium et communitatis loci eiusdem nominibus et personis nobis exponere curaverunt, qualiter nonnulli essent diversi status et conditionis hominum, qui in ipsa civitate nostra domos et¹⁾ haereditates tempore maiestatis nostrae pretio comparassent et cum hoc etiam terras, vineas et omnem utilitatem instar aliorum inhabitatorum eiusdem civitatis nostrae in eiusdem pertinentiis haberent, tenerent et uterentur, census tamen sive taxas ratione huiusmodi domorum suarum in medium ipsius civitatis nostrae, licet prius promiserint, eisdem civibus nostris, tamen iam nactis sibi et aquisitis quibusdam novis exemptionibus solvere detrectarent²⁾ et non vellent, unde ipsa civitas nostra non parvam sustineret iniuriam. Nos igitur, qui iuribus libertatibusque et simul etiam legibus civitatum nostrarum, debito moderamine attendere debemus, considerantes omnino iniustum inicumque esse, ut hii qui commoda percipiunt, onerum etiam ceteris participes non existant, proinde eisdem iudici et civibus ac universae communitati praedictae civitatis nostrae id annuimus et concessimus ut a modo deinceps, ipsi omnes cuiuscumque status et conditionis homines existant, qui in eorum medio ut praemisimus domos haberent terrasque et alias utilitates eiusdem civitatis uterentur, ad solutionem huiusmodi censuum sive taxarum in medium eorundem ratione ipsarum domorum cogere et compellere possint et valeant, immo annuimus et concedimus harum nostrarum vigore et testimonio litterarum mediante. Datum in Wysegrad feria quarta proxima ante festum sanctae trinitatis, anno domini millesimo quadringentewimo octogesimo sexto, regnorum nostrorum Hungariae et cetera anno vigesimo nono, Bohemiae vero decimo septimo. [S. 423]

Auf der Rückseite von anderer gleichzeitiger Hand: Litterae ut nobiles et alii qui censum solvere nolent non possint hic domos, possidere.


a) Ausstellungsort im UB als: Plintenburg/Visegrád.^{^}

1) Über der Zeile. ^{^}
2) ece auf Rasur.^{^}