Urkunde Nr. 4640 aus Band VII

Seite im UB:

424-425

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. I Nr. 24.

Druckvorlage:

nach Original

Abdruck als:

Volltext

Sprache:

Latein

---

4640

Wissegrad 1486 Mai 17. ^a) König Matthias weist Richter, Rat und die Bürgergemeinschaft von Klausenburg an. die Wahl des Richters und des Rates nach der Ofener Gewohnheit vorzunehmen.

Von der Kanzlei: Commisio propria domini regis,

Mathias dei gratia rex Hungariae. Bohemiae et cetera fidelibus nostris prudentibus et circumspectis iudici. iuratis ceterisque civibus et communitati civitatis nostrae Koloswariensis, salutem et gratiam. Intelleximus inter vos et in medio vestri tempore electionis iudicum et iuratorum civium aliorumque officialium publicam curam ipsius civitatis nostrae gerentium, singulis annis varios minores clamoresque et prope seditiones concitari. Ex quibus seditionibus et discordiis nostris¹⁾ quia nihil unquam nisi pericula solent evenire quotienscumque enim ad electionem praefectionemque huiusmodi iudicum et iuratorum civium ac aliorum officialium temporibus ad hoc statutis ad consistorium vestrum generalem faceritis conventionem popularem, totiens semper alius alia sentientes in varias et diversassententias distraheremini in eo videlicet, Ut dum de huiusmodi electione ageretur alter Hungarum alter vero Saxonem sive Alemanum vel promoveri vel reiici conclamaret, inter quae etiam clamor popularis saepe numero in tantum misceretur: Ut timendum esse maiori periculo. Ne igitur de cetero huiusmodi seditionibus et discordiis in medio vestri locus pateat sed ut unanimi et concordi voto in electione et etiam abservatione talium iudicum et iuratorum civium ac officialium debitam pacis et tranquillitatis consuetudinem servare possit vobis id duximus annuendum et concedendum. Ut a modo deinceps in electione huiusmodi iudicum et iuratorum civium aliarumque personarumcuram ipsius civitatis nostrae gerentium, omnia illa iura, consuetudines et modos quibus civitas nostra Budensis utitur tenere et observare. hiisque in perpetuum uti et frui valeatis ex praesenti gratiosa concessione et annuentia nostra quod si qui forsitan ex vobis et in medio vestri constitutus huius contrarium tenere cupiens et priorem illam abusionem sequi desiderans aliquam seditionem aut discordiam de cetero excitare praesumeret, [S. 425] electionique huiusmodi, quam hoc modo de dicto iudice et iuratis ceterisque officialibus. communi voto feceritis, reclamaverit sive illi reluctaverit talis tamquam turbator commodi iurisque publici in sententia capitali et amissione bonorum suorum convincatur ipso facto. Immo annuimus et concedimus harum nostrarum quas secreto sigillo nostro quo ut rex Hungariae utimur impressive consignari fecimus vigore et testimonio literarum mediante, Datum in Wysegrad feria quarta proxima ante festum sanctae trinitatis, anno domini millesimo quadringentesimo octogesimo sexto regnorum nostrorum Hungariae et cetera anno vigesimo nono, Bohemiae vero decimo septimo,

Auf der Rückseite gleichzeitig: Ad electionem²⁾ iudicis et iuratorum civium,


a) Ausstellungsort im UB als: Plintenburg/Visegrád.^{^}

1) Vorlage nostis. ^{^}
2) Vorlage ellec... ^{^}