Urkunde Nr. 4648 aus Band VII

Seite im UB:

431-433

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

4648

Klausenburg 1486 Juli 3 Der siebenbürgische Woiwode Stephan Báthori schalte die Urkunden König Matthias von 1486 Nr. »4632 und Nr. »4633 ein und beurkundet die vorgenommene Grenzbegehung zwischen Leblang und den umliegenden Orten wie folgt:

Quibus praesentatis¹⁾ annotati magistri Ladislaus et Stephanus²⁾ prothonari nobis retulerunt hoc modo, quod ipsi feria secunda proxima post festum beatorum Viti et Modesti proxime praeteritum³⁾ ad facies possessionum Levendek, Barankuta regalis ad oppidum Synk vocatum pertinentium in comitatu Albensi existentium habitae vicinis et commetaneis eiusdem universis inibi legitime convocatis et praesentibus accedentes praetactam villam seu possessionem Levendek a villis et possessionibus nobilium de Moha Sybrik et Mese vocatis in eodem comitatu Albensi existentibus habitis vigore earundem literarum regalium a sese et ab invicem his metis et signorum metalium distinctionibus separassent et distinxissent. Quod primo incipientes a plaga occidentali in monte Verenfel vocato super quo antiqua meta cum arbore querci habita. Qua renovata duas novas iuxta eandem elevassent, quarum prima scilicet antiqua renovata a parte meridionali⁴⁾ Levendek, secunda vero a parte aquilonali Moha praedictis et tertia siquidem a plaga occidentali Barankuta possessionibus separarent. Inde euntes per Vercz versus plagam orientalem non longe antiquam metam renovassent. hinc adhuc in eodem Vercz servata eadem plaga orientali ulterius procedentes antiquam metam renovassent, Abinde reflectentes ad plagam inter aquilonem et⁵⁾ orientem in latere montis antiquam metam de novo elevassent, de qua tendentes ad plagam orientalem non longe antiquam metam renovassent. Adhuc inde declinantes ad plagam inter aquilonem et orientem in parvo⁶⁾ spatio in latere montis antiquam metam renovassent. Abhinc reflectentes ad plagam orientalem [S. 432] in quadam planitie antiquam metam renovassent, de qua servata eadem plaga orientali amplius procedentes in latere montis antiquam metam renovassent. Tandem ad eandem plagam orientalem modicum procedendo alias duas metas elevassent in pede montis de quibus directe descendissent ad fluvium Knaz, in cuius meatu sursum ad plagam inter aquilonem et orientem ascendissent usque ad quandam arborem salicis ubi de ipso meatu versus orientem exeuntes duas metas erexissent, De quibus servata eadem plaga orientalis in parvo⁷⁾ spatio procedentes alias duas metas elevassent. Deinde servata eadem plaga orientali modicum ulterius procedendo metam cursualem erexissent, a qua declinantes ad plagam inter aquilonem et orientem in parvo spatio metam cursualem fecissent. Hinc directe eundo ad plagam inter orientem et aquilonem penes dictum fluvium Knaz metam terream sublevassent. De qua descendentes ad meatum ipsius fluvii in eodem meatu ascendissent versus plagam orientalem usque ad locum ubi fluvius Ponczendal cadit in ipsum fluvium Knaz ibique de meatu ipsius fluvii Knaz ad meatum dicti fluvii Ponczendal intrantes et in meatu eiusdem fluvii Ponczendal sursum ad plagam inter orientem et meridionalem ascendentes in bono spatio penes ipsum meatum a plaga meridionali metam novam fecissent. De qua tendentes ad dictam plagam meridionalem in quodam monticulo duas metas erexissent quarum una scilicet a parte occidentali Levendek regali secunda vero a parte orientali Moha nobilium possessionibus praedictis separarent. Inde ad dictam plagam meridionalem ascendentes in latere montis metam fecissent. Inde ulterius ad montem ad eandem plagam meridionalem ascendendo duas metas fecissent. De quibus ad plagam inter orientem et meridionalem procedentes non longe tres metas erexissent, quarum una scilicet a parte occidentis Moha nobilium secunda vero a parte meridiei Leventek praedictis et tertia a parte orientis Sybryk possessionibus separarent. ubi metae dictae possessionis Levendek terminarentur. Ab hinc descendentes versus plagam aquilonalem in latere montis metam cursualem accumulassent. Deinde ulterius descencendo usque ad dictum fluvium Ponczendal ubi penes fluvium dictum prope fontem existentem in ipso fluvio metam erexissent, De qua descendentes ad ipsum fluvium in meatu eiusdem fere usque ad caput vallis ipsius fluvii ascendissent. ubi metam tertiam erexissent. De qua tandem per quendam campum Ponczneceoe vocatum ad plagam aquilonalem ascendendo et in competenti spatio progrediendo in latere cuiusdam monticuli metam terream agregassent. Inde servata eadem plaga aquilonali ascendissent ad quoddam Bercz⁸⁾ ubi tres metas in quodam monticulo elevassent, quarum una scilicet a parte orientali Sybryk alia vero a parte occidentali Moha praedictis et tertia siquidem a parte septemtrionali Mese possessionibus separarent, ibique metae dictarum possessionum Sybryk et Moha finirentur. In quorum omnium fidem et testimonium praemissorum praesentes literas nostras pendentis autentici sigilli nostri munimine roboratas ad petitionem praefatorum Thomae Altenberger Cibiniensis et Michaelis Polnar Segesvariensis magistrorum civium necnon Stephani Kronar de Szaszvaros. Petri Krich de Szasz Sebes iudicum regiorum ac Benedicti Carnifici, Laurentii Sartoris, Iacobi Literati Cibiniensium Stephani Magyari de dicta Szasz Sebes, Petri iudicis et Martini iurati civis de Alvincz duximus concedendas. Datum in praefata civitate Colosvariensi feria secunda proxima post dictum festum visitationis beatae Mariae virginis, anno domini millesimo quadringetesimo octogesimo sexto.

Auf der Plica: Lecta per magistrum Stephanum. Darunter in anderer Schrift: Lecta per magistrum Ladislaum,

Auf der Rückseite gleichzeitig. Distinctio metarum Lewfling, Barankuth, Moha, Sibrich et Mese. [S. 433]


1) In verlängerter Schrift.^{^}
2) Scilicet Ladislaus de Doroghaza et Stephanus de Hassag.^{^}
3) Juni 13.^{^}
4) Über der Zeile, darunter gestrichen occidentali.^{^}
5) Über der Zeile.^{^}
6) Über der Zeile, darunter gestrichen qua. ^{^}
7) Über der Zeile, darunter gestrichen question.^{^}
8) Hierauf gestrichen icz. ^{^}