Urkunde Nr. 4650 aus Band VII

Seite im UB:

435-436

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 434.

Druckvorlage:

nach Original

Abdruck als:

Volltext

Sprache:

Latein

---

4650

Klausenburg 1486 Juli 3 Der siebenbürgische Woiwode Stephan Báthor schaltet die Urkunden König Matthias' von 1486 Nr. »4632 und Nr. »4633 ein und beurkundet die vorgenommene Grenzbegehung zwischen Hamlesch samt Pertinentien sowie den Ortschaften Săcel und Orlat wie folgt:

Quibus praesentatis praefati magistri Ladislaus et Stephanus¹⁾ protonotarii nobis retulerent hoc modo. Quomodo ipsi sabbatho proximo post festum beati Marcelli papae nunc praeteritum²⁾ ad facies oppidi regalis Omlas vocati necnon villarum seu possessionum Zelysthye, Bywdenbah et Criptzbah in comitatu Albensi existentium, ad praefatum opidum Omlas pertinentium, vicinis et commetaneis earundem universis inibi convocatis ac reverendissimo in Christo patre domino Ladislao Gereb episcopi ecclesiae Albensis Transsylvanae in praefatis regnis praefati domini nostri regis apostolicae sedis cum potestate legati de latere legato praesente, accedentes idem oppidum et dictas villas seu possessiones ad ipsum oppidum pertinentes a villis seu possessionibus praefati domini episcopi et fundorum suorum Fekethewyz et Warallya vocatis in eodem comitatu habitis, vigore praefatarum literarum regalium a se se et ab invicem hiis metis et signorum distinctionibus separassent et distinxissent. Quod³⁾ primo³⁾ incepissent in latere cuiusdam montis Helberchs-grund vocati⁴⁾ a plaga orientali quandam metam terream reperissent, quam renovassent et iuxta eandem unam novam erexissent; de hinc descendentes versus plagam occidentalem in descensu eiusdem montis novam metam terream erexissent. Inde ad eiandem plagam pertranseuntes quendam rivulum Naghcharnawada vocatum et non longe ab eo profecti in planicie novam metam erexissent. Abhinc adhuc quasi ad eandem plagam euntes ad tres antiquas metas pervenissent, quarum una dicto opido Omlas, secunda vero scilicet a parte occidentali Zelysthye, tertia autem scilicet a parte meridionali Fekethewyz possessionibus praedictis separent. Quibus renovatis ab eoque loco servatis metis, inter dictas possessiones Zelysthye et Feketewyz quasi ad plagam meridionalem reflectentes alium rivulum Kyscharnaw nuncupatum pertransissent et amplius procedentes prope quendam alium rivulum Borbosa in Walahico vocatum novam metam erexissent. Abhinc eundem rivulum Borbosa versus dictam plagam meridionalem pertransissent et non longe ab eodem rivulo novam metam terream erexissent, a quo servata eadem plaga in porvo spatio prosedendo novam metam erexissent. Inde intrantes silvam arborum Nyr in medio eiusdem silvae versus dictam plagam meridionalem novam metam erexissent. Abinde ad dictam plagam meridionalem euntes in latere eiusdem silvae duas antiquas metas invenissent, quibus renovatis progredientes in parvo spatio pervenis-[S. 436] sent ad duas antiquas metas terreas, quas renovassent. Deinde ad dictam plagam meridionalem tenentes venissent similiter ad duas alias antiquas metas terreas in prato habitas, quibus renovatis pertransissent fluvium Fekethewyz appellatum, ipsam plagam meridionalem servantes pervenissent ad locum, ubi fossatum Bomu nuncupatum caderet in dictum fluvium et in ipso fossato sursum euntes pervenissent ad quandam antiquam metam iuxta idem fossatum ad sinistram habitam, qua renovata eandem plagam meridionalem tententes ascendissent ad quendam montem, ubi duas antiquas metas invenissent distinguentes possessionem Fekethewyz et possessionem Bywdenbach. De quibus per eos renovatis descendissent per quoddam viretum ad plagam inter orientem et meridiem in longo spatio pervenissent similiter ad duas antiquas metas bene apparentes, de quibus deflectentes versus dictam plagam meridionalem pervenissent ad unam metam antiquam sub collo eiusdem monticuli habitam. Inde ascendentes ad pedem montis ultra fluvium Bywdenbah duas novas metas, unam pro parte villae Cripczbah et aliam pro parte villae Fekethewyz et Warallya erexissent et abhinc ascendentes ad alpes metae inter Cripchbah et Warallya ibi terminarentur. In quorum omnium fidem et testimonium praemissorum praesentes literas nostras pendentis authentici sigilli nostri munimine roboratas ad petitionem praefatorum Thomae Altemberger Cibiniensis et Michaelis Polnar Segeswariensis magistrorum civium necnon Stephani Kroner de Zazwaras, Petri Krich de Zazsebes iudicum regiorum ac Benedicti Carnificis, Laurentii Sartoris, Iacobi Literati Cibiniensum, Stephani Magyary de dicta Zazsebes, Petri iudicis et Martini iurati civis de Alwyncz duximus concedendas. Datum in praedicta civitate Koloswariensi feria secunda proxima post festum visitationis virginis gloriosae anno domini millesimo quadringentesimo octuagesimo sexto.


a) Im UB Abbildung des großen Siegels des siebenbürgischen Woiwoden Stephan Báthori auf Tafel III, Bild 2, unten als »Abb. ^{^}

1) Scilicet Ladislaus de Doroghaza et Stephanus de Hassag.^{^}
2) Januar 21.^{^}
3) In verlängerter Schrift. [3x]^{^}
4) Vorlage vocatae ^{^}

Abb.