Urkunde Nr. 4656 aus Band VII

Seite im UB:

446

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 432.

Druckvorlage:

nach Original

Abdruck als:

Volltext

Sprache:

Latein

---

4656

Ofen 1486 August 4 König Matthias fordert die Sachsen der Sieben und Zwei Stühle des Burzenlandes und von Bistritz auf, ihn im Sinne der jüngsten Reichsbeschlüsse mit einem beträchtlichen Subsidium zu unterstützen.

Von der Kanzlei: Comissio propria domini regis.

Mathias dei gratia rex Hungariae, Bohemiae et cetera fidelibus nostris universis iudicibus et iuratis ac senioribus ceterisque septem et duarum sedium nec non terrae Barcza et Bistriciensis Saxonibus salutem et gratiam. Cum his diebus superioribus domini praelati, barones et proceres ac alii regnicolae huc Budae pro tenenda diaeta convenissent inter alia quae bonum statum, commodum et tranquillitatem regni respiciunt, considerantes expensas nostras quas his praeteritis temporibus ad olendas et conservandas gentes nostras facere nos oportuit et adhuc neccessario facere oportet simulque animadvertentes necessitates nostras, quibus usque ad extremum praemimur de bonis eorum contributionem unius auri ultro, prout auditur, protuistis abtulerunt et insuper etiam civitates nostrae liberae ac alii omnes subditi nostri similiter subsidium praebuerunt. Verum quia tanta et tam gravis est ipsa nostra et regni nostri necessitas, ut ad propulsandam illam non modo oblatum, ut praefertur, sed ne maius quidem subsidium sufficere videretur. Eam ob rem licet statueramus vos per aliquantulum temporis supportatos relinquere, tamen tanta urgente necessitate facere non possumus, quin etiam a vobis subsidium petamus, quod profecto nimine faceremus nisi maxima nos adstringeret necessitas. Proinde rogamus vos et hortamur et nihilominus strictissime comittimus, quatenus vos quoque considerantes nostram et regni nostri necessitatem et¹⁾ signanter praesentem rerum nostrarum statum et conditionem iuxta informationem fidelium nostrorum nobilis Iohannis More ac magistri civium civitatis nostrae Cibiniensis, instar aliorum subditorum nostrorum succurrere et nobis maiorem quo fieri poterit summam citissime et sine omni mora disponere debeatis. In hoc vero cavete, ne difficultatem aut renitentiam faciatis, quondam vi id forte facere attentaretis atque negotia nostra et regni nostri, ad quae subsidium huiusmodi deputamus, aliquo pacto turbarentur, nemini alteri nisi vobis et quidem gravissime imputaremus. Aliud igitur iterum atque iterum committimus, facere nullo modo audeatis. Datum Budae feria sexta proxima ante festum beati Tiburtii, anno domini 1486.


1) Hierauf gestrichen pnte. ^{^}