Urkunde Nr. 4659 aus Band VII

Seite im UB:

448

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 441.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4659

1486 August 30 und September 14 Aufzeichnung des öffentlichen Notars Paulus Petri über Schenkungen von Hofstellen in Rosch an die Hermannstädter Marienkirche.

Anno domini M^o quadringentesimo LXXX sexto, feria quarta post festum decollations beati Iohannis baptistae¹⁾ providi Mathias Gereb de Rowas una cum filio suo Mathia domum fundum et curiam suas in eadem Rowas habitas una cum agris, pratis, silvis, aquis et omnibus pertinentiis sponte et libere ob salutem suam progenitorumque suorum testamentaliter et irrevocabiliter legarunt ecclesiae parochiali beatae Mariae virginis Cibiniensi contradictione nulla obstante, praesentibus magistro iurato cive Georgio Sneider, Georgio Goldner de eadem Rowas. Item eodem anno in festo exaltationis sanctae crucis²⁾ providi Benedictus Gereb una cum filia sua legitima Caterina et Stephano Gereb genero suo legarunt fundos, domus et curias suas cum omnibus suis pertinentiis in dicta Rowas habitas ecclesiae praefatae modo et ferma praemissis, praesentibus magistro Paulo praedicatore, Georgio Sartore Cibiniensibus et Martino Coh cive Colosvarensi, testibus ad hoc rogatis et vocatis. Item eodem anno et die circumspecti Mathias Kerner de Mortisdorf et Caterina coniux eiusdem et Paulus Zekel de Cibinio legaverunt fundos domus et curias suas in dicta Rowas existentes cum omnibus utilitatibus suis testamentaliter praedictae ecclesiae modis et formis praenotatis. Item Paulus Gereb filius Georgii Gereb de eadem Rowas legavit fundum, domum et curiam suas cum omnibus suis utilitatibus et pertinentiis ecclesiae memoratae modo et forma supra specificatis, praesentibus magistro Paulo praedicatore, Georgio Sartore, Georgio Hutter, Anthonio Scherer civibus et concivibus dictae civitatis Cibiniensis, die et anno praedictis. Et ego magister Paulus quia omnibus in hac cedula contentis interfui hoc proprio meo chirographo annotavi.


1) August 30.^{^}
2) September 14.^{^}