Urkunde Nr. 4661 aus Band VII

Seite im UB:

449

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell III, Nr. 23.

Druckvorlage:

nach Original

Abdruck als:

Volltext

Sprache:

Latein

---

4661

Hermannstadt 1486 September 10 Der Hermannstädter Rat ersucht Richter und Rat von Kronstadt, Vertreter zu gemeinsamen Verhandlungen nach Hermannstadt zu senden und berichtet über die Verhandlungen des Thomas Altemberger mit Martin Tharczay.

Prudentes et circumspecti viri domini et amici nobis honorandi. Notum facimus vestris dominationibus, quomodo de praesenti ardua negotia quae nos et vestras dominationes plus quam alios respiciunt nobis incumbunt dirigenda. Ut autem huiusmodi negotia pro omnium nostrum meliori statu determinentur, rogamus vestras dominationes diligenter ut duos ex notabilioribus civibus vestris iuratis e medio vestri eligeri, electosque in medium nostri dirigere velitis et dignemini, ita ut ipsi omnibus postpositis ad sabatum diem proximum, post festum sanctae crucis exaltationis¹⁾ sine aliqua prorogatione uberiori in civitate Cibiniensi constituantur. Aliud hortamur non facturi. Ceterum sciant vestrae dominationes egregium magistrum Thomam Altemperger magistrum civium civitatis Cibiniensis, qui personam suam ex parte pertinentiarum tam nostrarum quam etiam dominationum vestrarum intueri²⁾ ad egregium Martinum Tharczay, dicatorem harum partium, usque Thordam exposuit, ibique omni studio et diligentia pro praedictis pertinentiis coram dicto domino Martino Tharczay fideiussor intercessit, hodie feliciter ad nos adventasse, qui vestris dominationibus cum praesentibus literas domini Martini ex parte pertinentiarum vestrarum transmittit et dominationes vestrae eo melius in factis suis procedere valeant. Datum Cibinii dominica proxima post festum nativitatis glioriosissimae virginis Mariae, anno et cetera [XXXVI]^to. Magister civium, iudices et iurati consules civitatis Cibiniensis.

Auf der Rückseite Adresse: Prudentibus et circumspectis viris iudici iuratisque civibus civitatis Braschouiensis, dominis et amicis nobis honorandi. [S. 450]


1) September 16.^{^}
2) Vorlage intuieri. ^{^}