Urkunde Nr. 4663 aus Band VII

Seite im UB:

450-451

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

4663

Bistritz 1486 September 11 Der Bistritzer Rat entscheidet den Streit zwischen den Gemeinden Mettersdorf und Rebrişoara um die Viehweiden auf den Prädien Fatha, Botzina, Csegö und Thekesz zu Gunsten der Mettersdorfer.

Nos Johannes Therman iudex ceterisque iurati consules civitatis Bistriciensis propalamus tenore praesentiam quibus incumbit universis, quod nostram ultro accendentes prasentiam iudiciariam viri honesti de Nagdemetrio Michael Fridman videlicet protunc comes, ¹⁾ Laurencius Verner, Johannes Nicolai, Gaspar Rorig protunc iurati villae praefatae ab una parte, vero ab altera Valachi uti knesius cum suis de Rebre minori in litii forma discepantes causamve ventilatam se intergerente ratione praediorum Fatha, Botrina, Czegö et Thekesz nuncupata, quae peculio empta per discretos homines de Naghdemetrio uti eorum regalia edocent illucidantque instrumenta a viris nobilibus quondam honore dignis Blasio et Johanne filii ingenui Ladislai Hencke piae reminiscentiae de Gewrgfalwa ab aliisque viris egregiis et ipsorum filiis in antefatis regalibus instrumentis exaratis tali modo ut saepefata loca futuris perpetuis essent temporibus fenilia veluti fuerant praeteritis. Quod praeno- [S. 451] tati Valachi de praedicta Rebre contradicentes munire affirmarunt, sed illa optarunt loca fenilia seu omni tertio anno usui fere eorum iumentis pecudibusque similiter per illa depasci, praescripti autem viri honesti de praedicta Nagdemetrio hoc haud admittere et consentire volentes saepescripta sed se praedia et loca fenilia ad praedia praefata spectantia ita emisse fatebantur, ut anno omni falcitari poterint et Valachia nusquam eis uti et adiuncto testimonio illo super facto idoneo et sufficienti de Bistricia Laurencium Clogner, Ladislaum Cloegler et Adam Sartorem, de Treppenn Johannem Lewtsch, Cristannum Henning, de Pentag, Bartholomeum Kestner, Matheum Teonisy de villa Latina superiori, Georgium Stwerm, Blasium Gewmprich de Jaad Benedictum Stwrm et Mathiam Bloech, de Birkenaw²⁾ Bicke Dan et Johannem knesium. Qui profecto omnes pari equalique vocis concordia eorum mediante conscientia sua praestito sacramento coram nobis praescripta praedia et eorum prata seu fenilia pretio soluta confessi sunt testifacti eo modo ut perp etuis praeteritis temporibus extiterint falce tonsa seu falcitata eaque sic empta ut et a futuris falcari temporibus possint profeeto nos insuper visis perspectisque illisce locis ut praedia antescripta et ipsorum prata seu fenilia metis terminisque eorundem. Quarum prima siquidem versus orientem extitit in medio fluvii Tewmesy secunda aquilonem versus ut rivulus quidem Newbach nomine effluit de silva tertia ad occidentem usque ad lapidem Enznum³⁾ etiam examinatis testibus potiori modo quo et perficere et terminare potuimus saepescriptos homines honestos de praefata Nagdemeter iustitiae equitatisque in hac parte imitores fatemur per praesentes et knesium antefatum suis cum Valachis aut incolis de saepefata Rebre haud amplius illisce in locis fenilibus seu pratis uti prioribus temporibus et agere et disponere habere hocque ipsis et ipsorum heredibus heredumque filiis perpetuis sit temporibus compositio. In cuius rei memoriam firmitatemque perpetuam praesentes literas nostras patentes saepescriptis honestis hominibus de praefata Nagdemetter concessimus pariterque et donavimus sigillo nostrae civitatis subappenso communitas. Datum Bistriciae feria secunda infra octavas nativitatis virginis gloriosae, anno domini salvatoris nostri millesimo quadringentesimo octogesimo sexto.


1) Zweite Einschaltung aus 1514 provincialis grebio.^{^}
2) Zweite Einschaltung aus 1514 Nyrmesew. ^{^}
3) Zweite Einschaltung aus 1514 vulgo Bloenstein vocatum. ^{^}