Urkunde Nr. 4666 aus Band VII

Seite im UB:

454-456

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 39.

Druckvorlage:

nach Abschrift

Abdruck als:

Volltext

Sprache:

Latein

---

4666

Fogarasch 1486 September 16 Ladislaus Gereb, Bischof von Weissenburg, trägt den Pfarrern von Reichesdorf, Tobsdorf und Neustadt auf, Petrus, den Dechanten des Hermannstädter Kapitels und Pfarrer von Stolzenburg, zu verhalten, die vom verstorbenen Moldauer Bischof erhaltenen bischöflichen Insignen herauszugeben,

Ladislaus Greeb dei et apostolicae sedis gratia episcopus ecclesiae Albensis Transsilvanae ac in omnibus regnis et terris atque locis temporali dominio serenissimi principis et domini, domini Mathiae eadem dei gratia regis Hungariae, Bohemiae et cetera subiectis cum potestate legati de latere dictae sedis legatus dilectis nobis in Christo honorabilibus et discretis N. de Richesdorff, N. de Thobia, N. de Newersthat et N. de ecclesiarum parochialium plebanis salutem et paternam benedictionem. Noveritis quod nuper cum per venerabiles dominos Gregorium cantorem et Michaelem custodem canonicos ecclesiae nostrae Transsilvanae praedictae nobis non sine querela expositum fuisset, quod licet reverendus pater quondam dominus Petrus, episcopus Moldaviensis aliasque vicarius noster in pontificalibus generalis nec non rector parochialis ecclesiae de Insula Christiana dum adhuc in humanis ageret et alacri frueretur sospitate animo deliberato fervente devotionis affecto, quem erga hanc ipsam ecclesiam nostram Transsilvanam gerebat, universa sua paramenta pontificalia ad consecrandum et reconciliandum ac alias ad officium suum exercendum iuxta instituta canonica necessario correquisita et pertinentia, signanter vero et specialiter infulam et sceptrum, praefatae ecclesiae nostrae Transsilvanae dederit, donaverit, contulerit, reliquerit et appropriaverit perpetuo possidendum, tenendum pariter et habendum, ita videlicet ut eisdem suis paramentis pontificalibus vita sibi comite libere uti et gaudere possit. Post mortem autem suam eadem ad ius et proprietatem ipsius ecclesiae Transsilvanae sine difficultate aliquali perpetuo devolvantur et quod ipso mortuo successor eius rector videlicet parochialis ecclesiae supradictae pro tempore constitutus aut alii quicumque in ipsis suis paramentis pontificalibus nullum ius possit aut possent sibi quovis modo vendicare. Tamen nuper ipso domino Petro episcopo et cetera sicut domino placuit de medio sublato honorabilis dominus Petrus plebanus de Stolczinburg decanusque venerabilis capituli Cibiniensis et causarum auditor in spiritualibus generalis, et quidam alii sua communiter et divisim interesse pendendum et asserendum praescripta paramenta pontificalia dicti condam domini Petri episcopi et cetera nullo iure sibi suffragante quin potius minus iuste et indebite propriaque ipsorum auctoritate mediante de fundo dotali plebaniae de dicta Insula Christiana recepissent et abstulissent et quo ipsorum placuisset voluntati fecissent eandem ecclesiam nostram Transsilvanam huiusmodi paramentis pontifica-[S. 455] libus contra deum et eius iustitiam ac donationem inter vivos ipsius condam domini Petri episcopi et cetera privandis in dispendium salutis animarum suarum praeiudiciumque et derogamen iurium ipsius ecclesiae nostrae Transsilvanae non modicum ac damnum valde magnum. Extunc nos praemissorum occasione praenominatos dominum Petrum plebanum et decanum omnesque alios et singulos sua communiter et divisim interesse praetendentes et asserentes, mediantibus aliis literis nostris ex inde confectis monuimus et per certos ecclesiarum plebanos nostros in hac parte executores fecimus et commisimus moneri, ut ipsi infra certum terminum in eisdem literis nostris tunc expressum ipsisque pro omni dilatione terminoque peremtorio ac monitione canonica praefixum et assignatum sub poenis interdicti ac ingressu ecclesiae simul et suspensionis a divinis quas in eos dicta canonica monitione praemissa, si iidem secus facerent, quam ipsis in hac parte mandaveramus, tulimus in scriptis praescripta paramenta pontificalia saepedicti condam domini Petri episcopi et cetera per ipsos sicut praefertur recepta et ablata et maxime infulam et sceptrum memoratae ecclesiae nostrae Transsilvanae darent, traderent et assignarent sine difficultate aliquali perpetuo possidendae, tenendae pariter et habendae. Quod si forte ipsi se praemissorum occasione indebite gravatos sentirent aut allegarent extunc eosdem ad instantiam praedictorum dominorum Gregorii cantoris et Michaelis custodis et cetera nostram peremtorie citari fecimus in praesentiam ad terminum competentem rationem gravaminis eorum reddituros ac alia facturos prout in dictis literis nostris continetur. Tandem autem iuxta earundem literarum nostrarum et praedictorum plebanorum nostrorum videlicet et executorum exinde relatorum continentur licet honorabilis dominus Michael de Ruffomonte et magister Michael de Helta ecclesiarum parochialium plebani nominibus et in personis praefatorum domini Petri plebani et decani nec non capituli Cibiniensis sic ut praemittitur sua interesse praetendentes et asserentes in dicto citationis termino coram nobis comparuerint ipsumque dominum Petrum plebanum et decanum pariter et capitulum Cibiniense sine strepitu cuiuslibet iudicii et absque omni litis materia se praefatis dominus Gregorio cantori et Michaeli custodi et cetera super praemissis dextram iungere, hoc est amicabiliter componere et concordare promiserint et in effectum assumserint nosque ad instantem eorundem supplicationem nobis propterea porrectam causam praemissam inter partes praedictas praemissorum occasione coram nobis movendam suspenderimus, et eius cognitioni supersederimus. Novissime tamen ipsis dominis Gregorio cantore et Michaeli custode et cetera ad nos venientibus nobisque gravi cum querela exponentibus intelleximus, quod praedicti dominus Petrus plebanus et decanus atque capitulum Cibiniense et nonnulli alii sic ut praefertur sua coniunctim et divisim interesse putantes nescitur quo motivo ducti quove consilio freti quibusdam nudis, frivolis et utique superfluis occasionibus, difficultatibus et allegationibus postea praevisis et adinventis cum ipsis dominis Gregorio cantore et Michaele custode super praemissis modo quo supra convenire et concordare penitus recusassent prout recusarent etiam de praesenti in ipsius ecclesiae nostrae praeiudicium et damnum non modcum. Supplcantes nobis iidem domini Gregorius cantor et Michael custos et cetera debita cum instantia, ut sibi superinde de opportuno iuris remedio providere literasque nostras monitorias praedictas cum censuris in eisdem expressis contra praedictos dominum Petrum plebanum et decanum atque capitulum Cibiniense omnesque alios et singulos sic ut praemittitur sua communiter vel divisim interesse praetendentes et asserentes promulgatis in eodem statu quo pendebant et existebant continuare et resumere resumique et continari demandare dignaremur. Nos itaque attendentes supplicationem huiusmodi fore iustam et rationi consonam quodque [S. 456] iusta petentibus benevolus non est denegandus, assensus et quod studiose agendus et ea quae promittentur opere compleantur, dictae supplicationi quantum potuimus benigni inclinati praescriptas literas nostras monitarias sic ut praefertur cum censuris in eisdem expressis resumendum et continuandum fore continuarique et resumi debere decrevimus et decernimus per praesentes. Quocirca devotioni vestrae harum serie in virtute sanctae et obedientiae et sub poena in dictis literis nostris expressa seriosius iniungendo mandamus, quatenus mox visis praesentibus et ipsis literis nostris monitoriis easdem scilicet literas nostras monitorias iuxta vim, seriem et formam ac tenorem quo ad omnes earundem articulos et clausulas resumendo et continuando contra memoratos dominum Petrum plebanum et decanum atque capitulum Cibiniense omnesque alios et singulos sic ut praemittitur sua coniunctim vel divisim interesse putantes iterum et denuo exequi curetis. Tandem autem totius vestrae executionis seriem et diem nobis vestris in literis conscientiose rescribatis praesentibus unacum eisdem literis nostris monitoriis in specie remissis. Datum in castello nostro Ffugaras sexto decimo die mensis Septembris, anno domini millesimo quadringentesimo octogesimo sexto.

Auf der Rückseite von gleicher Hand: Commissionis copia.