Urkunde Nr. 4673 aus Band VII

Seite im UB:

460-462 ^a)

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

4673

Arkeden 1486 Oktober 29 ^b) Der Adlige Michael de Zobb befreit die Bewohner des Marktfleckens Tekendorf von Frondiensten und verleiht ihnen verschiedene Rechte. [S. 461]

Nos Michael de Zobb, filius quondam magnifici domini Petri de Zobb, memoriae commendamus tenore praesentium significantes quibus expedit universis, quod nos considerantes paupertatis et egestatis inopiam universorum populorum in opido nostro Theke commorantium tumque ad humiles et devotas supplicationis instantias eorum nobis porrectas tum etiam, ut ipsum opidum nostrum Theke multitudine populorum. decoretur, volumus ut ipsi iobbagiones in Theke sint liberi resis seu laboribus quos consueverunt nobis facere demptis in congregatione et introductione decimarum, quas nobis tenentur introducere ad horreum et locum competentem, si possint autem vectorem habere, mittant ducere pro parte illo superaddito. Ut sint resis seu laboribus praetactis liberi, tenentur dare singulis annis sexaginta florenos a festo sancti Johannis baptistae¹⁾ usque ad festum sancti Jacobi²⁾. Hoc etiam volumus, ut illos sexaginta florenos omnes liberas curias habentes inquilini artifices unanimiter solvant quilibet secundum facultatem suam et posse eorum. Item damus et conferimus etiam omnibus iobaggionibus nostris in Theke liberum accessum et recessum, ita tamen, qui recedere voluerit grebio se praesentet et officiali nostro. Item annuimns et concedimus, ut ipsi populi nostri pro censu ipsorum solito hoc habeant, ut quilibet ipsorum propriam domum habent singulis annis nobis unum florenum teneantur et hoc in duobus terminis, ita ut medium florenum circa festum sancti Georgii³⁾ solvant, alium medium circa festum sancti Martini⁴⁾. Item volumus, quod in adventu novi iudicis nostri iobbagiones in Theke, Erked et Penthek teneantur sibi dare sexaginta urnas vini, unum bovem, unum laridum et quando occupat hoc officium. Item volumus, quando officialis noster ex causus in medium iobbagionum nostrorum venerit, extunc obligentur sibi dare unum prandium et unum coenam, non magis. Item volumus, ut iobbagiones nostri in Theke tempore Paschali officiali nostro praesentent duos agnellos, duas scapulas, duoscaeos Saxonicales et de qualibet domo duo ova, item natalis domini praesentent eidem officiali decem cubulos avenae mensurae opidi, item panes decem, pullos decem item duo talenta cerae et medium talenti piperis. Item capitale birsagium sint tres floreni, dualitas cedat officiali et tertialitas grebio et suis civibus, sed in birsagiis minoribus officialis non habet partem. Item si contingeret aliquem excedere pro privatione capitis tunc officiali nostro tenentur birsagium maius. Item pro birsagio officialis noster non debet impedire aliquem sed debet postulare a grebis id quod sibi iure cedat. Item volumus, quod si aliquis in matrimonio existens sine prole excesserit, tunc ex suis bonis officiali nostro unum bovem triennalem dare teneatur. Item quando aliquis ob suos excessus captivatur, non portari debet ad Erked nec ad alium quemcumque locum, sed ubi capitur ibi iudicetur. Item volumus, quando grebius noster cum civibus pro tribunali sederit, tunc officialis noster non habet se intromittere nisi in causis criminalibus aut homicidio, incedio aut furticinio, tunc ipse officialis pro tempore constitutus cum ipso grebio et civibus in iudicio liberam habeat facultatem. Item concedimus, ut dum ex voluntate dei plebanum aliquem mori contingat, habeant ipsi liberam plebaniam suam conferre cui voluerint. Si contingeret plebanum habere causam aliquam contra iobaggiones nostros non debet ipsos citare ad Albam, sed domini in capitulo hoc indicare debent. Item si contingerit aliquem incidere in damnum sic quod sibi furentur pecora, tunc officialis noster tenetur secum equitare sua amissa in propriis expensis. Item volumus et concedimus grebio et civibus nostris in Theke, ut ipsi in festo sanctorum Philippi et Jacobi⁵⁾ in opido nostro [S. 462] liberas habeant nundinas et si in ipsis nundinis contingeret illuc venire homicidas vel quoscumque alios homines non liberos volumus ut illic habeant libertatem, ut illos nullus impedire habeat ad continuos tres dies et sic grebius noster una cum suis civibus talem vel tales hominem non liberum vel liberos conducant libero conductu de suis terris vel metis. Similiter volumus in die sancti Ladislai⁶⁾habeant liberas nundinas modo iam dicto, quas dies nundinarum ipsis civibus nostris concessit pater noster magnificus Petrus de Zobb. Nos volumus ipsos singulos iobbagiones nostros ipsorum privilegiis antiquitus observatis tenere. Item si aliaquis ausu temerario tales libertates infringere praesumserit, extunc talis praesumens debet puniri in tribus marcis denariorum, quarum duo officiali, tertia autem grebio et suis civibus. Item volumus etiam, quod eum ipsi cives nostri tempore nundinarum suarum custodes constituant, qui ut in aliis nundinis custodiant et si aliquos inhoneste incedentes invenerint ab ipsis vel arma vel aliud receperint, extunc officiales nostri ipsos custodes ab omni impedimento tueantur. Item concedimus, quod quicumque ex iobbagionibus nostris voluerit aedificare piscinas vel plantare salices in nostris sint liberi absque tamen damno aliorum. Item eadem autoritate nostra concedimus dictis iobbagionibus nostris de dicta Theke omnino sic habere volentes, quod tempore vindemiarum nullus decimatorum nostrorum ad colligenda vina deputatus audeat cellaria ipsorum pauperum intrare et perquirere, sed grebius cum iuratis senioribus de plena iustitia huiusmodi decimarum provideant et satisfactione de hoc sit contentus decimator ipse, prout antiqua consuetudo eorum id approbavit et literae superinde confectae in singulis iuribus eos tenere volentes praesentium per vigorem. In cuius rei robur et firmius testimonium sigillum nostrum praesentibus est appensum. Datum in domo nostra Erked die dominico ante festum omnium sanctorum, anno domini millesimo quadringentesimo octuagesimo sexto.


a) Seitenumbruch nach Kopfregest.^{^}
b) Ausstellungsort im UB als: Arkeden/Archiud.^{^}

1) Juni 24.^{^}
2) Juli 25.^{^}
3) April 23.^{^}
4) November 11.^{^}
5) Mai 1.^{^}
6) Juni 27.^{^}