Urkunde Nr. 4675 aus Band VII

Seite im UB:

463

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach Original

Abdruck als:

Volltext

Sprache:

Latein

---

4675

Klausenburg 1486 November 7 Richter und Rat von Klausenburg bestimmen einen Bauplatz in der Wolfgasse zum Bau eines Dominikanerklosters.

Nos Ambrosius Sabo iudex iuratique consules civitatis Coluswar ad universorum notitiam tam praesentium quam futurorum harum serie volumus pervenire, quod nos ac tota communitas praedictae civitatis unanimiter cogitantes, quia praesentis vitae conditio¹⁾ statum habemus instabilem et ea, quae habent essentiam, tendunt visibiliter ad non esse; idcirco digna et devota consideratione vigilantes ne cum dominus venerit nos inveniat dormientes, pro nostrorum commoditate²⁾ et divini cultus augmento, terrena in coelestia et transitoria in aeterna felici volentes commercio commutare, primo et principaliter ex voluntatibus et annuentiis serenissimi principis domini Mathiae³⁾ regis Hungariae, Dalmaciae, Croaciae et cetera, domini nostri naturalis et gratiosissimi, sed et magnifici comitis domini Stephani de Bathor, iudicis curiae regiae, vaivodaeque Transsilvani, quendam locum pro monasterio in plathea Lupporum in annexu turris nuncupatae turris sartorum ad plagam orientalem tendentem, fratribus Minoribus in perpetuum duximus conferendum immo conferimus et donamus praefatis fratribus inibi tantum locum et spatium, quantum necessitas monasterii se poscit. Ita tamen, quod domos ibidem sitae ipsis possessoribus exolvi pretio debeant, perpetue et irrevocabiliter tenendum, habendum pariter et possidendum contradictorio nullo obstante. In cuius rei evidentiam praesentes literas nostras sigilli nostri maioris et authentici subimpressu munimine roboratos praespecificatis fratribus minoribus duximus concedendum. Datum in Coluswar, feria tertia proxima ante festum sancti Martini, anno domino millesimo quadringentesimo octuagesimo sexto.

Auf der Rückseite gleichzeitiger Kanzleivermerk: Donatio civitatis loci seu fundi claustri.


1) Vorlage conditeo. ^{^}
2) Auf Rasur.^{^}
3) ie auf Rasur, von anderer Hand nachgetragen.^{^}