Urkunde Nr. 4681 aus Band VII

Seite im UB:

469-470

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 230.

Druckvorlage:

nach Original

Abdruck als:

Volltext

Sprache:

Latein

---

4681

Bistritz 1486 Dezember 6 Der siebenbürgische Woiwode Stephan Báthor setzt Zollabgaben in Törzburg fest, und verbietet die Ausfuhr von Pferden, Waffen und trächtigen Schafen in die Walachei.

Prudentes et circumspecti viri amici nostri dilecti. Intimata vestra intelleximus. Sciatis igitur quod nos in cunctis rebus vestris vobis protectione et auxilio esse cupimus. nec vos in iuribus vestris turbare sed potius tueri optamus. En igitur commisimus, ut castellani nostri castri Therch ab uno quoque vase¹⁾ vino. quod de partibus Transalpinis deducitur plusquam octo azpras vel quatuor pinta, hoc est eyithel exigere non audeant. De aliis vero rebus tam ferris quam aliis omnibus talem ipsis castellanibus nostris dedimus informatione, [S. 470] prout et regia maiestas voluit, ut universas et quaslibet res ferraque et calibes, tam magna quam parva et cuncta animalia ad illas partes Transalpinas secure inducere et importare permittant. Interea donec aliquem ex vobis ad nos transmittere poteritis, demptis equis, armis et ovibus fetantibus, quosquidem equos, arma et oves fetantes nullomodo introducere debeant, hoc denique excepto, quod intrantes ad illas partes singuli singulum unum gladium ac unum arcum aut unum clipeum et tela octo vel novem pro sua persona introducere et importare possint et valeant. Si vero quipiam ultra unum gladium aut arcum vel clipeum importare voluerint¹⁾ , ex tunc commisimus ipsis castellanis ut ipsi talia illis non concessa ab importare volentibus auferant. Equos vero nulluspiam importare et vendere audeat. Si vero aliqui intrantes equos vendiderint, tales pretium equi sui venditi ipsis castellanis solvere teneantur et iidem castellani recipiendum habeant facultatem. Rogamus itaque vos, ut aut iudex vel villicus aut alii duo ex vobis ad festum Epiphaniarum domini nunc venturum in²⁾ Vasarhel³⁾ apud nos constitui debeant, ubi de certis rebus vobiscum tractare volumus. Datum Bistriciae in festo beati Nicolai episcopi et confessoris anno et cetera LXXX sexto. Comes Stephanus de Bathor wayuoda Transsilvanus et cetera.

Adresse auf der Rückseite: Prudentibus et circumspectis viris iudici iuratisque civibus civitatis Brassouiensis, amicis nostris dilectis.


1) So Vorlage. [2x]^{^}
2) Januar 6.^{^}
3) Über der Zeile.^{^}