Urkunde Nr. 259 aus Band I

Seite im UB:

191

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 29100

Druckvorlage:

nach Einschaltung (Insert)

Abdruck als:

Volltext

Sprache:

Latein

---

259

1292 Juni 21 König Andreas III. bestätigt die durch die Wittwe des Comes Ornoldus von Kleinpold gemachte Schenkung von Kleinenyed an ihren Schwiegersohn Cristianus und ihre Tochter.

Andreas dei gratia Hungariae, Dalmaciae, Croaciae, Ramae, Seruiae, Galiciae, Lodomeriae, Cumaniae Bulgariaeque rex omnibus Christi fidelibus praesentes literas inspecturis salutem in domino sempiternam. Ad universorum notitiam tenore praesentium volumus pervenire, quod universi Saxones de Cybinio ad nostram accedentes praesentiam nobis significare curarunt, quod domina relicta comitis Ornoldi sine herede decedentis de villa Apold quandam terram seu possessionem suam Enyed vocatam, quam ex collatione regis Stephani praefatus Ornoldus maritus eiusdem dignoscitur possedisse, secundum libertatem Saxonum more debito et consueto Cristiano filio Ludueg genero suo et filiae suae videlicet consorti eiusdem Cristiani reliquisset, donasset et legasset iure perpetuo et irrevocabiliter possidendam eo iure¹⁾ et ea plenitudine, quemadmodum praefatus comes Ornoldus ipsam possessionem tenuit et possedit, petentes a nobis cum instantia, ut nos collationem dictae relictae comitis Ornoldi iuxta eorundem libertatem factam ratificare et approbare dignaremur ac nostro privilegio confirmare. Quorum nos iustis petitionibus inclinati ipsam collationem relictae comitis Ornoldi circa possessionem villae Enyed vocatae factam approbantes ratificamus et nostro praesenti privilegio confirmamus duplicis sigilli nostri munimine roborando. Datum per manus discreti viri magistri Theodori praepositi Albensis ecclesiae, aulae nostrae vicecancellarii dilecti et fidelis nostri, anno M^mo CC^mo nonagesimo secundo, undecimo Kallendas Julii, regni autem nostri anno secundo.


1) Fehlt 1399.^{^}