Urkunde Nr. 4711 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 446.

Druckvorlage:

nach Original

Abdruck als:

Volltext

Sprache:

Latein

---

4711

Gurghiu 1487 April 30 Der siebenbürgische Woiwode Stephan Bathori trägt dem Adelsgericht des Weißenburger Komitats auf, den Streit zwischen dem Adligen Ambrosius von Rosch und der Hermannstädter Parochialkirche um eine Ansäßigkeit in Rosch zu entscheiden.

Comes Stephanus de Bathor, vaivoda Transsilvanus et Siculorum comes et cetera nobilibus viris comitibus vel vicecomitibus et indicialium comitatus Albensis et assessoribus sedis eiusdem salutem et favorem. Exponitur nobis in personis vitricorum parochialis ecclesiae Cibiniensis, quomodo hiis proxime elapsis diebus nobilis Ambrosius de Rawas nescitur quo ductus spiritu ad quandam domum seu sessionem dictae ecclesiae Cibiniensis in eadem Rawas existentem irruisset ibique providum Valentinum Syl iobagionem dictae ecclesiae in ipsa domo seu sessione residentem captivasset captumque per verta tempora in vinculis sui deti-nuisset et universas res et bona sua abstulisset et per hoc dictam sessionem sibi ipsi occupasset potentia mediante. Et licet nos praefatum Ambrosium nostri in praesentiam citarefecerimus ad reddendam superinde rationem, tamen quia ipsa Ambrosius asserebat, quod ipse id quod fecit iure mediante fecisset eoque et ipsa domus ac sessio sua esset et iobagio suus praefuisset, et quia nos inter tales eorum allegationes facto in ipso finale iudicium facere non potuimus, ideo ipsam causam vestri in praesentiam transmisimus. Quodcirca committimus vobis praesentibus, quatenus acceptis eiusdem ipsarum causam in sede vestra iodiciaria post harum emanationem primitus celebranda vestri in praesentiam acceptare ibique auditis partium propositionibus allegationibusque causa in eadem partes inter praescriptas tam in facto dictae domus acbessionis quam in facto dictorum actuum potentiariorum per praefatum Ambrosium ut dictum et parpetratorum uidicium et iustitiam facere et adminitrare debeatis. Ubi si ipse Ambrosius dictam domum ac sessionem iuri suo apropiare non poterit, extunc cum pro huiusmodi suis potentiariis et temerariis actibus sufficienter emendare dictamque domum praescriptae ecclesiae restituere debeatis et teneamini. Et secus nullomodo facturi. Praesentibus perlectis exhibentibus restitutis. Datum in castro Gergyn feria secunda proxima ante festum beatorum Philipi et Iacobi apostolorum, anno domini et cetera LXXX septimo.