Urkunde Nr. 4736 aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 63.

Druckvorlage:

nach Original

Abdruck als:

Volltext

Sprache:

Latein

---

4736

Wiener Neustadt 1487 Oktober 2 König Matthias befiehlt dem Salzkammergrafen Martin Tharczay, die Mißbräuche seiner Hermannstädter Untergebenen gegenüber den Burzenländer Sachsen abzustellen

Mathias dei gratia Hungariae, Bohemiae etcetera rex, duxque Austriae, fideli nostro egregio Martino Tharczay, comiti camaratum salium nostrarum¹⁾ Transsilvanarum salutem et gratiam. Expositum extitit maiestati nostrae in personis fidelium nostrorum universorum Saxonum nostrorum terrae Barcza, qualiter familiares tui in civitate nostra Cibiniensi constituti, saepesaepius equos ipsorum exponentium libere aufferre et recipere, ac iuxta libitum eorum equitare, et tandem iam illos defatigatos et macilentos eisdem reddere consuevissent. Praeterea iidem familiares tui contra antiquam consuetudinem ipsorum exponentium in medio eorundem mercantias facere incepissent, proter quod ipsi exponentes res et mercantias ipsorum pretio condigno vendere minime possent, in quo non solum ipsis exponentibus, sed etiam nobisque non mediocre dampnum proveniret. Quare volumus et fidelitati tuae serie praesentium strictissime praecipimus et mandamus, quantenus praefatis hominibus et familiaribus tuis committere et iniungere debeas, ne de centero sic ut praemittitur equos praefatorum exponentium libere aufferre et illos equitare, vel mercantias aliquas in medio eorundem contra ipsorum antiquam consuetudinem facere quoquomodo praesumant. Aliud nullomodo facturus. Praenstibus perlectis exhibenti restitutis. Datum in Arce Novae Civitatis nostrae feria tertia proxima post festum beati Michaelis archangeli, anno domini millesimo quadringentesimo octogesimo septimo.

Auf der Rückseite von der Hand des gleichzeitigen Kronstädter Notars: Litterae quod vigesimatores non debent facere mercantias.


1) Vorlage nostrorum.^{^}