Urkunde Nr. 4738 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Supplementa (Nova Collectio posterior) (Inventar 27), Nr. 1174.

Druckvorlage:

nach Original

Abdruck als:

Volltext

Sprache:

Latein

---

4738

Wiener Neustadt 1487 Oktober 2 König Matthias beauftragt den Temescher Grafen Paul Kinizsi die Streitsache zwischen einigen Hermannstädtern und Temeswarer Weinhändlern zu untersuchen.

Von der Kanzlei: Commissio propria domini regis

Mathias dei gratia Hungariae, Bohemiae et cetera rex, duxque Austriae, fideli nostro magnifico Paulo de Kynys comiti Themesiensi et generali capitaneo partium regni nostri inferioris salutem et gratiam. Expositum extitit maiestati nostrae pro parte et in personis fidelium nostrorum prudentum et circumspectorum iudicis et iuratorum ceterorumque civium et inhabitatorum civitatis nostrae Cibiniensis gravi cum querela, quod ex quo superioribus diebus quidam cives et inhabitatores civitatis nostrae Themeswariensis nonnulla vina ad ipsam civitatem nostram Cibiniensem venditionis causa adduxissent et eadem istic non prout optabant cum lucro sed cum dampno eorum aliqualiter vendere coacti fuissent, iidem cives Themeswarienses super ipsos exponentes huiusmodi damnum ipsorum rehabere vellent et ratione previa nonnullas minas ipsis exponentibus imponerent in praeiudicium eorundem et damnum non modicum. Et quia nos nullomodo volumus ipsos exponentes sic indebite per quempiam opprimi, idcirco fidelitati vestrae serie praesentium strictissime prae¬cipimus et mandamus, quatenus ecceptis praesentibus praefatos cives et inhibitatores dictae civitatis nostrae Themeswariensis ab huiusmodi minis praefatorum exponentium ratione et praetextu praemissorum imponendis aut dampnis et iniuriis inferendis inhibere ac eisdem superinde silentium imponere modis monibus debeatis et tenesmini. Si vero quidquid actionis vel questionis contra ipsos exponentes habent vel habuerint hii id iuridice et consuetudine regni nostri requirente legittime prosequantur et eis iustitia administrabitur evidens et condigna. Aliud igitur nullatenus facere praesumatis. Praesentibus perlectis exhibenti restitutus. Datum in acre Novae civitatis noastrae Australis feria tertia proxima post festum beati Michaelis Arhangeli, anno domini millesimo quadringentesimo octogesimo septimo.