Urkunde Nr. 4739 aus Band VIII

Heute in:

Neumarkt am Mieresch, Staatsarchiv [Direcţia Judeţeană Mureş a Arhivelor Naţionale ale Romȃniei, Târgu Mureș]

Heutige Signatur:

Pfarrarchiv Schässburg [Parohia evanghelică CA Sighişoara] (Inventar 539), DM 11.

Druckvorlage:

nach Original

Abdruck als:

Volltext

Sprache:

Latein

---

4739

Wiener Neustadt 1487 Oktober 2 König Matthias verbietet Magister Albert, dem Generalvorsteher aller Hospitäler des Heiligen Antonius in Ungarn, das Recht der Stadt Schässburg, den Rektor des dortigen Hospitals zu ernennen, irgendwie anzutasten.

Von der Kanzlei: Commissio propria domini regis.

Matthias dei gratia Hungariae, Bohemiae et cetera rex duxque Austriae fideli nostro honorabili et regligioso magistro Alberto, rectori et praeceptori generali domorum sancti Anthonii ubivis in regno nostro Hungariae et partibus sibi subiectis fundatarum salutem et gratiam. Gravem querelam pro parte et in personis fidelium nostrorum circumspectorum iudicis et iuratorum ceterorumque civium civitatis nostrae Segeswari ensis coram nobis contra te in eo depositam accepimus: Quod quamvis ipsi antiqua eorum libertate et consuetudine requirente ad rectoratum hospitalis beati Anthonii de eadem civitate nostra quotienscumqie illum vacare contigisset personas idoneas et eas, quas maluissent eligendi et item rectoris decendentis res et bona omnia mobilia iuxta eorum coluntatem pauperibus in eodem degentibus dispensandi et aliter pro ipsius ecclesiae utilitate de illis disponendi liberam semper habuerint facultatem et eiuscemodi libertate atque praerogativis hactenus semper libere usi fuerint, tamen tu nunc eosdem cives nostros in huiusmodi eorum libertatibus graviter turbares et impedires ad rectoratum siquidem illum etiam nunc pro tuo arbitrio quendam elegisses et eundem confirmare. Praeterea de rebus et bonis rectoris decessi similiter pro tuo arbitrio disponere eademque pro te usurpare niteretis, in praeiudicium eorundem exponentium ac derogamen libertatis eorum manifestum. Quia vero nos ipsos cives in eorum antiquis libertatibus omnio conservare volumus, mandamus idcirco fidelitati tuae harum serie strictissime, quatenus acceptis praesentibus et rebus sic prout praefertur stantibus praefatos exponentes in huiusmodi antiquis eorum libertatibus circa provisionem dicti hospitalis impedire seu turbare aut aliquem contra eorum voluntatem in rectorem eligere et confirmare nullatenus praesumas, sed eisdem huiusmodi antiquis eorum libertatibus uti, frui et gaudere pacifice et sine omni impendimento permittas neque te de rebus et bonis eiusdem domus et decendentium recotrum intromittere audeas. Nos siquidem certi sumus, quod cives ipsi non alium nisi bonum et honestum virum ad ipsum rectoratum semper eligent et alioquin non sunt diddipatores neque raptores bonorum spiritualium, sed potius protectores et augemtatores. Et idcirco aliud facere nullatenus audeas praesentibus perlectis exhibenti restitutis. Datum in acre Novae Civitatis nostrae Australis feria tertia proxima post festum beati Michaelis archangeli, anno millesimo quadringentesimo octogesimo septimo.