Urkunde Nr. 4745 aus Band VIII

Heute in:

Mediasch, Archiv der evang. Kirchengemeinde A.B. [Parohia Evanghelică Mediaş]

Heutige Signatur:

Urkunden Nr. 54.

Druckvorlage:

nach Original

Abdruck als:

Volltext

Sprache:

Latein

---

4745

Wien 1487 November 11 König Matthias bestätigt die vom Pfarrer der in Auflösung befindlichen Kirchengemeinde Furkeschdorf verfügte Zuweisung der Zehnten an das Spital in Mediasch.

Von der Kanzlei: Commissio propria domini regis.

Nos Mathias, dei gratia Hungariae, Bohemiae et cetera rex duxque Austriae¹⁾ memoriae commendamus tenore praesentium significantes quibus expedit universis, quod nos intellectis gravibus ruinis et desolationibus tum aedificorum hospitalis in oppido Meggyes fundati, tum vero bonorum ad idem ab antiquo spectantium magnis item iecturis et tantis rerum omnium distractionibus, ut nisi pauperes in eodem degentes fidelium suffragio nutrirentur, vix victu quotidiano favori et ali possent. Ob hoc nos illam translationem et incoporationem, quam plebanus eiusdem desolatae villae Furkesdorff, vocatae de et super certis decimis ipsum et dictam desolatam plebaniam suam iure vetusto conernentibus praemissis ex causis ad praefatum hospitale et consequenter victum et amictum pauperum in eodem degentium fecisse perhibetur, duximus in perpetuum roborandum et ratificandum, immo roboramus et ratificamus harum nostrarum vigore et testimonio literarum mediante. Datum in arce nostra Wiennensi in festo beati Martini episcopi et confessoris, anno domini millesimo quadringentesimo octogesimo seotimo, regnorum nostrorum anno Hungariae et cetera tricesimo, Bohemiae vero decimo nono.


1) Bis hierher in verlängerter Schrift.^{^}