Urkunde Nr. 2308 aus Band V

Seite im UB:

6-7

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 198 - Abt. 13: K. A. Mediasch [Parohia Ev. CA Mediaş], Nr. 9 (alt Nr. 22).

Druckvorlage:

nach Original

Abdruck als:

Volltext

Sprache:

Latein

---

2308

Wien 1438 April 23 König Albrecht beauftragt den Woiwoden Dezsö von Losoncz, dem siebenbürgischen Adel zu verbieten, Hörige, die ihren Grundzins entrichtet haben, an der Ansiedlung auf dem Gebiet der zwei Stühle Mediasch und Schelk zu hindern.

Von der Kanzlei: Commissio propria domini regis et deliberatione consiliarorum suorum Hungaricorum facta.

Albertus dei gratia rex Hungariae, Dalmaciae, Croaciae etcetera Austriaeque et Stiriae dux nec non marchio Morauiae fidelibus nostris magnifico Desew de Losoncz partium nostrarum Transsiluanarum vaivodae ipsiusque vicevaivodae salutem et gratiam. Pro parte universorum Saxonum sedium nostrarum Saxonicalium Selk et Megyes dictarum partium nostrarum Transsiluanarum maiestati nostrae exponitur in hunc modum, quomodo nonnuli forent ex nobilibus earundem partium nostrarum Transsiluanarum, qui populos et iobagiones ipsorum in medium dictorum Saxonum nostrorum habitos, iuxta morem earundem partium licentiis iustisque depositis terragiis sed ac aliis ipsorum debitis persolutis, se moraturos transferre volentes, calumnia eis imposita libere recedere et abire non permisissent et nec permittere vellent in futurum quod utique in [S. 7] postram displicentiam cedit manifestam; cum tamen ipsi Saxones nostri sedium praenotatarum uniuersos et singulos populos et cohabitatores ipsorum de eorum medio ad possessiones huiusmodi nobilium modo praemisso se moraturos transferre volentes pacifice et absque omni impedimento abire et recedere permisissent verumquia alias quondam excellentissimus felicis memoriae princeps dominus Sigismundus Romanorum imperator ac Hungariae et cetera rex pater et socer noster carissimus unacum praelatis, baronibus ac nobilibus eiusdem regni sui Hungariae it mature dinoscitur decreuisse et firmiter statuisse, ut quilibet iobagiones, populique ac iobagionalis conditionis homines qui habitis ut in talibus consuetum est licentiis, iustisque depositis terragiis ac aliis ipsorum debitis persolutis, de quibuscumque civitatibus oppidisque atque villis tam regalibus et reginalibus, quam aliorum quorumcumque ad quorumvis possessiones seu villas se moraturos transferre voluerint libere recedere et transire possint salvis ipsorum rebus et personis. Ideo fidelitati vestrae firmissime praecipimus et mandamus, quatenus omnes et quoslibet talismodi nobiles qui ut praemittitur populos et iobagiones ipsorum modo quo supra in medium dictorum Saxonum nostrorum se moraturos transferre volentes cum ipsorum rebus et bonis libere abire permittere noluerint, ad id ut ipsi eosdem iobagiones ipsorum cum omnibus rebus et bonis ipsorum libere in medium eorundem Saxonum nostrorum abire permittant, iuxta vim et formam decreti generalis annotati quondam domini imperatoris, ac per poenas in eodem decreto contentas arcius compellere et astringere debeatis. Secus pro nostra gratia facere non ausuri. Et hoc idem iniungimus futuris vaivodis et vicevaivodis dictarum partium nostrarum Transsiluanarum similibus eisdem dantes in mandatum praemissa firmiter et inviolabiliter obseruare, praesentes autem quas propter absentiam sigilii nostri quo ut rex Hungariae utimur, sigillo nostro ducali consignari fecimus post lecturam martyris, anno domini MCCCCXXX octavo.

Unter dem Siegel: Kanzleivermerk.