Urkunde Nr. 2322 aus Band V

Seite im UB:

17-18

Druckvorlage:

nach Original

Abdruck als:

Volltext

Sprache:

Latein

---

2322

1438 Dezember 21 Der Konvent von Kolozsmonostor beglaubigt die Zeugenaussage eines mit dieser Frage betrauten Mitgliedes seines Konvents, wonach der von dem siebenbürgischen Woiwoden in Klausenburg eingesetzte Sebastian Olaz dem Klausenburger Pfarrer das auch von dem Richter und dem Rat in Anspruch genommene Zweigespann zugesprochen hat.

Conventus monasterii beatae Mariae virginis de Colosmonostra omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod cum nos ad instantem petitionem honorabilis viri domini Martini plebani ecclesiae parochialis beati Mychaelis archangeli de Coloswar [ ]¹⁾ nobis religiosum virum fratrem Ladislaum cantorem et socium nostrum conventualem ad infrascripta audienda et tandem nobis referenda in praefatum Coloswar ad nobilem virum Sebastianum Olaz dictum iudicem seu officialem magnifici Desew de Losonch vaivodae Transsiluani per eum in eadem Coloswar constitutum nec non iudicem ac iuratos cives eiusdem civitatis nostrae pro testimonio transmisissemus fide dignum. Qui tandem exinde ad nos reversus nobis conscientiose retulit isto modo quod ipse feria sexta quarta videlicet in vigilia festi nativitatis domini proxime praeterita²⁾ in eandem civitatem Coloswar et per consequens ad domum Ladislai pellificis, quo praefatus Sebastianus Olaz et memorati iudex ac iurati cives pro tractandis certis eorum causis et agendis fuissent congregati, una cum praenominato domino Martino plebano pariter accessisset ubi praefatus Sebastianus Olaz requirente dicto domino Martino plebano iuxta commissionem praefati domini vaivodae ipsos iudicem et iuratos cives, ut eorum literalia instrumenta aut quaecunque iura contra dictum dominum Martinum plebanum super eo, quod biga ipsius domini plebani inducendis frugibus quorumcumque civitatensium ad praefatae ecclesiae suae molendinum et reducendis in farina libere procedere non deberet contra eorum libertates neque posset si qua haberent coram ipso Sebastiano producere deberent. Ad cuius Sebastiani requisitionem ipsi iudex ac iurati cives taliter respondissent, quod ipsi super hoc nulla unquam habuissent nec haberent de praesenti aliqua instrumenta sed ipse dominus Martinus plebanus ad ipsorum petitiones propter muri ipsius civitatis perfectionem ad tempus ipsam bigam suam in favorem ipsorum a ductione frugum cessare fecisset. Quorum responsione facta idem Sebastianus Olaz in persona dicti domini vaivodae et eiusdem specialem sibi oretenus factam commissionem [S. 18] ipsam bigam dicti domini Martini plebani iuxta suam privilegiatam libertatem coram ipso domino vaivoda alias Thordae exhibitionis literalium suorum instrumentorum approbatam libere et secure procedere promisisset. In cuius rei memoriam firmitatemque perpetuam praesentes literas nostras privilegiales pendentis et autentici sigilii nostri appensione munitas duximus concedendas. Datum in festo beati Thomae martiris, anno domini millesimo quadringentesimo tricesimo octavo.


1) Lücke cca 3 cm.^{^}
2) Dezember 25.^{^}