Urkunde Nr. 2326 aus Band V

Seite im UB:

19-20

Druckvorlage:

nach Abschrift

Abdruck als:

Volltext

Sprache:

Latein

---

2326

Weissenburg 1439 Januar 23 Der siebenbürgische Bischof Georg ermächtigt die Pfarrer des Bistritzer und Kiralyer Dekanates, gegen die Glieder ihrer Gemeinden, [S. 20] welche den niederen Kirchendienern die Einkünfte schmälern wollen, mit dem Interdikt vorzugehen.

Georgius dei et apostolica gratia episcopus Transsiluanus dilectis nobis honorabilibus (et) discretis viris dominis universis et singulis plebanis, decanis et ecclesiarum rectoribus in et sub decanatibus puta Bistriciensi et Kyralia ubivis constitutis et commorantibus salutem et paternam in domino benedictionem. Quia nos ex certorum veridicorum relatibus et nostra certa scientia sumus edocti, quomodo universi vestri parochiani seu plebisani in vestris plebanatibus ubilibet commorantes ipsorum animarum salutem immemores¹⁾ contra deum et eius iustitiam ac in contemptum²⁾ clavium matris ecclesiarum praeiudiciumque domini decani et plebani³⁾ vestri valde ingens proventus scolarum⁴⁾ parochialium seu scolasticulum ac servitorum ecclesiarum vestrarum parochialium diminuere et debitam defalcationem ipsorum proventuum conarentur⁵⁾ et facere praetendunt in ipsorum salutis animarum detrimentum valde magnum sententiam excommunicationis de iure latam in aurem minime formidantes. Hoc etiam adiugendo. quod magistros scolarum seu scolasticos vel servitores ecclesiarum vestrarum parochialium sine consensu et annuentia vestris eligere et praeficere nituntur in vestri dedecus et praeiudicium valde multum. Super quos vestris devotionibus in virtute sanctae obedientiae praesentium serie et sub poena excommunicationis firmiter committimus et mandamus, quatenus habita praesentium notitia omnes et singulos praefatos vestros parochianos et plebisanos verbo nostro salubriter admoneatis, quos et nos tenore praesentium requirimus et monemus, ut ipsi a tali nefandissimo opere cessent et per amplius facere non praesumant quoquomodo, sed in pristino statu et forma permittant permanere. Alioquin habita vestra salutari admonitione omnes et singulos tales, qui huiusmodi mandatum nostrum infregerint aut non curaverint firmissimo supposito ecclesiastico interdicto, quod inviolabiliter volumus observari, in forma ecclesiae consueta praeter baptisma parvulorum primitiasque morientium et sanorum, quae nullatenus volumus denegari, tamdiu duraturum donec de talibus nefandissims operibus cessaverint aut de nobis aliud habueritis in mandatis. Datum Albae feria 6ta proxima post festum beati Vincencii martyris, anno domini M^o CCCC^o XXXIX.


1) Gebessert aus immemorantes.^{^}
2) Gebessert aus contemplum.^{^}
3) Hierauf durchgestrichen rectorum parochlalium.^{^}
4) Vorlage scolarium. ^{^}
5) Hierauf studunt durchgestrichen und die drei folgenden Wörter am Rande nachgetragen.^{^}