Urkunde Nr. 2330 aus Band V

Seite im UB:

22-23

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2330

Ofen 1439 Januar 31 König Albrecht gebietet den siebenbürgischen Würdenträgern, dem Adel, den Sachsen und den Szeklern und besonders den Bewohnern von Stadt und Stuhl Mühlbach, die von den Türken verschleppten und nun zurück-[S. 23] kehrenden Mühlbacher mit Ausnahme von vier namentlich angeführten Verrätern in keiner Weise zu behindern.

Albertus dei gratia Romanorum rex semper augustus ac Hungariae, Dalmaciae, Croaciae et cetera rex et dux Austriae et cetera fidelibus nostris reverendo in Christo patri domino Georgio, episcopo ecclesiae Transsiluanae, magnificis Desew de Losoncz vaivodae earundem nostrarum Transsiluanarum necnon comitibus Siculorum nostrorum item nobilibus, castellanis, Saxonibus et Siculis ac populis et hospitibus in sede et civitate nostra Zazsebes commorantibus aliis etiam regni nostri Hungariae ac partium nostrarum Transsiluanarum praedictarum cuiusvis status et conditionis ac praeeminentiae hominibus praesentium notitiam habituris salutem et gratiam. Licet pridem cives hospites et populi praenarratae civitatis nostrae Zazsebes vocatae ex traditione seductioneque et iniqua ac diabolica suggestione illorum perfidissimorum Anthonii plebani, Hermann Mewlmeuster, Martini Vlich et Zachariae pro tunc civium praefatae civitatis nostrae Zazsebes se et ipsam civitatem nostram illo saevissimo Omorath Turcorum domino, qui eo tempore, uti nostis, cum valida Turconica sua potentia partes nostras Transsiluanas depraedando invaserat et ipsam civitatem nostram Zazsebes obsederat voluntarie tradiderunt. Tamen quia nunc uti ad nostrae ac serenissimae dominae reginae conthoralis nostrae carissimae praelatorumque et baronum nostrorum devenit audientiam aliqui ex praedictis civibus, hospitibus et populis nunc in partibus Transalpinis ac sub dominio Turcorum eorundem existentes qui in praescripta traditione annotatae civitatis nostrae immunes fore perhibentur viceversa ad praedictam sedem et civitatem nostram Zazsebes ac ad pristina eorum habitacula commorandi causa reverti vellent et repatriari. Ideo vestrae et cuiuslibet vestrum fidelitati firmissime praecipimus et mandamus, quatenus annotatos cives, populos et hospites viceversa de praefatis partibus Transalpinis ac Turkya temporum in processu ad praenotatam civitatem nostram Zazsebes redire volentes demtis praescriptis Anthonio plebano, Hermanno, Martino et Zacharia traditoribus simulcum eorum liberis et prolibus ac rebus et bonis quibusvis per vestras tenutas et possessiones ac vestri medium usque praefatam sedem et civitatem nostram Zazsebes libere et purifice transire ac in eadem morari et residere permittatis per ampliusque eisdem nullum impedimentum nullusque molestias et perturbationes verbis vel factis inferre et irrogari facere praesumatis nec sitis ausi modo aliquali gratiae nostrae sub obtentu. Praesentibus perlectis exhibenti restitutis. Datum Budae sabbato proximo ante festum purificationis beatae Mariae virginis gloriosae, anno domini M^o CCCC^o XXX nono. Praedicta autem volumus per fora et alia loca publica ubi necesse fuerit ubique palam facere proclamari. Datum ut supra.