Urkunde Nr. 2349 aus Band V

Seite im UB:

36-37

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 656.

Druckvorlage:

nach Original

Abdruck als:

Volltext

Sprache:

Latein

---

2349

Ofen 1439 Juli 11 Johannes, Bischof von Segni und apostolischer Legat in Böhmen, Mähren und Ungarn, schaltet die Urkunde des Papstes Eugen IV. von 1438 Nr. »2306 ein, verleiht auf Grund dieser päpstlichen Vollmacht dem Blasius Christiani von Schelk ein Kanonikat an der siebenbürgischen Kirche und trägt dem Pfarrer Michael von Mühlbach auf, diesen in das Amt einzuführen.

Johannes¹⁾ dei et apostolicae sedis gratia episcopus Segniensis in regnis Hungariae et Bohemiae ac marchionatu Morauiae apostolicae sedis legatus dilecto nobis in Christo presbytero Michaeli, plebano ecclesiae Mariae virginis de Mulenbacho Transsiluanae diocesis, salutem in domino. Sanctissimus dominus noster dominus Eugenius divina providentia papa quartus eo amplius volens nostram honorare personam quo magis aliis nos possemus reddere gratiosos suas nobis contulit literas cum cordula canapis eius vera bulla plumbea more Romanae curiae bullatas sanas et integras, non vitiatas nec in aliqua sui parte suspectas sed omni [S. 37] prorsus vitio et suspitione carentes. Quarum quidem literarum vigore quorumcumque beneficiorum ecclesiasticorum cum cura vel sine cura infra terminos nostrae legationis consistentium etiamsi canonicatus et praebendae, dignitates personatus etiam curata vel electiva in catedralibus et metropolitanis vel collegiatis ecclesiis existant, quae personae illa obtinentes in nostris manibus simpliciter sive ex causa permutationis resignare voluerint auctoritate sua recipiendi et admittendi ac eadem auctoritate conferendi personis idoneis per nos ad hoc eligendis nobis plenam et liberam contulit facultatem prout in literis apostolicis tenoris infrascripti plenius continetur. (Folgt die Urkunde Eugens IV. von 1438 Nr. »2306). Cum igitur venerabilis presbyter Marcus Nicolai Craus de Cibynio, comes capellae sanctae Caterinae in ecclesia Albensi et canonicus Varadiensis, canonicatum, quem in ecclesia Transsilvania canonice obtinebat ex certis causis pure et simpliciter ac sine aliqua suspitione interventionis simoniacae pravitatis in nostris manibus resignasset, nos de vita et morum honestate atque aliis probitatis ac virtutum meritis, super quibus apud nos persona venerabilis presbyteri Blasii Christiani de Schelk Transsiluanae diocesis laudabiliter commendatur, ad plenum certificati volentes propterea sibi de alicuius subventionis auxilio providere eundem canonicatum praefatae ecclesiae Transsiluanae auctoritate apostolica praefata, qua in hac parte fungimur²⁾, praedictum canonicatum dicto presbytero Blasio tamquam bene merito sufficienti et idoneo conferimus, assignamus et de eodem providemus caritati tuae committentes ac in virtute sanctae obedientiae districte pracipiendo mandantes, quatenus infra sex dies post praesentationem seu notificationem praesentium tibi factam eundem presbyterum Blasium vel procuratorem suum eius nomine in praefata ecclesia Transsiluana in canonicum recipi facias et in fratrem stallo sibi in choro et loco in capitulo dictae ecclesiae Transsiluanae cum plenitudine iuris canonici assignes et assignari facias, dictum etiam Blasium vel procuratorem suum eius nomine in corporalem, realem et actualem possessionem iuriumque et pertinentiarum praedictorum³⁾ sine oppositione, contradictione ac difficultate quibuslibet recipi facias et admitti sibique de ipsorum canonicatus et praebendae fructibus, redditibus, proventibus, emolumentis, iuribus et obventionibus plenarie et integre facias responderi, quoscumque inobedientes, contradictores et rebelles per censuras ecclesiasticas auctoritate nostra compescendo, decernentes ex nunc irritum et inane quicquid contra haec a quoquam quavis auctoritate scienter vel ignoranter contigerit attemptari. Datum Budae sub sigilii nostri pontificalis appensione, anno incarnationis domini millesimo quadringentesimo tricesimo nono, die undecim mensis Julii, pontificatus sanctissimi in Christo patris et domini nostri Eugenii divina providentia papae quarti⁴⁾ anno⁴⁾ nono⁴⁾.

Auf der Plica links von gleichzeitiger Hand: Bartholomeus Abramus.

Von einer Hand um 1600: confirmatur in canonicatum.


1) Verlängerte Schrift.^{^}
2) Vorlage funguimur.^{^}
3) So Vorlage.^{^}
4) Verlängerte Schrift. [3x]^{^}