Urkunde Nr. 2352 aus Band V

Seite im UB:

39-40

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 137.

Druckvorlage:

nach Original

Abdruck als:

Volltext

Sprache:

Latein

---

2352

Segedin 1439 August 2 König Albrecht verbietet den Szeklergrafen Emerich Bebek und Franz Csáki, den Bewohnern von Marienburg den Besitz ihrer Burg streitig zu machen.

Von der Kanzlei: Relatio Georgii groff de Bozin magistri pincernarum.

Albertus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex et dux Austriae et cetera fidelibus nostris magnificis Emerico de Pelsewcz et Francisco de Chaak comitibus Siculorum nostrorum salutem et gratiam. Exponit nobis fidelis noster Petrus Dapper, iudex civitatis nostrae Ffeldwar vocatae in sua ac universorum et singulorum civium et hospitum et Saxonum eiusdem civitatis nostrae Ffeldwar nominibus et in personis gravi cum querela, quomodo vos quoddam castrum in eadem Ffeldwar habitum, quod ipsi exponentes pro suarum personarum rerumque et bonorum tutiori defensione atque conservatione fortificassent ac in ipsius castri [S. 40] rupturis magnis eorum sumptibus fatigis et expensis reformassent pro vobis minus iuste et indebite ac contra ipsorum iura et libertates occupare ac eosdem querulantes de eodem eicere ac alio diversomodo impedire et molestare atque damnificare niteremini et velletis in ipsorum praeiudicium et damnum ac periculum manifestum. Unde nos praefatos exponentes per vos in praedicto castro impedire et perturbare nolentes vestrae fidelitati firmissime praecipiendo mandamus, aliud habere nolentes, quatenus habita praesentium notitia alio nostro mandato exinde non expectato praefatos querulantes minus iuste et indebite et absque notabili ratione contra praetacta eorum iura et libertates in praenarrato castro impedire, molestare seu quovis modo perturbare ac ipsos de eodem eiicere nusquam et nequaquam praesumatis sed sinatis eosdem exponentes praetactum castrum, sicut hactenus tenuerunt, quiete et pacifice tenere et possidere et aliud facere non ausuri gratiae nostrae sub obtentu. Et hoc fidem iniungimus futuris comitibus Siculorum nostrorum inviolabiliter et inconcusse observare, praesentes quoque post earum lecturam reddi iubemus praesentanti. Datum Zegedini die dominico proximo post festum ad vincula sancti Petri apostoli, anno domini M^o CCCC^o XXX^o nono.

Unter dem Siegel Kanzleivermerk.